Liz Edgar

Elizabeth „Liz“ Edgar (* 28. April 1943 as Elizabeth Broome^[1]; † 25. April 2020) weer en britisch Springriederin.

Liz Edgar is in de walisisch Grafschaft Monmouthshire upwussen, hör öllere Bröer is de Springrieder David Broome. 1965 hett se den Springrieder Ted Edgar heiraadt un is mit hüm nah Leek Wootton, en Dörp nich wiet vun Warwick trucken. Hör Dochter Marie wurr 1971 boren.^[2][3]. Ted Edgar is 2018 storben.

Mit 12 Johren nehm Liz Edgar all eerstmals an de Horse of the Year Show deel. Twee Mal wunn se de britische Meesterschap vun de jung Springrieder.^[4]

Hör gröttste sportliche Erfolge harr Liz Edgar Anfang vun de 1980er-Johren. In’n Sömmer 1980 wunn se mit Everest Forever den Grooten Pries vun Aken. In dat Johr dorup keem se mit de britisch Equipe up den veerten Platz bi de Europameesterschapen. Edgar hett mehrfack an Weltcupfinals deelnommen un för hör Land ok bi mehrere Natschonenpriesen vertreden. Den traditschonsrieken Queen Elizabeth Cup, de in’n Rahmen vun dat britisch Natschonenpriesturnier utdragen wurrd, hett se as eenzig Riederin fiev Mal wunnen (1977, 1979, 1981, 1982 und 1986).^[5][2][4]