Marshall Hain

Kit Hain

Kit Hain (* 15. Dezember 1956 in Cobham, Surrey) kenn Julian Marshall all ut hör Schooltiet in Plymouth. Se hett Psychologie in London studeert un sück nebenbi mit de Folkmusik befaat, se schreev Songs un hett sungen. Dorbi is se weer up Marshall drapen un hett en Tiet lang mit hüm tosommenarbeit.

Nah hör gemeensam Tiet hett Hain noch twee Solo-LPs upnommen: Spirits Walking Out (1981) – Alternativtitel: Looking for You – und School for Spies (1983), de sück aber nich besünners goot verköfft hemm. In den 1980er Johren ist se in de USA trucken un hett denn blots noch as Songwriterin arbeit. Hör Stücke sünd ünnern annern vun Cher, Roger Daltrey un Fleetwood Mac upnommen wurrn.

Julian Marshall

Julian Marshall (* 16. März 1954 in Exeter) gung nah de Schooltiet nah London, um Musik an de Dartington Hall School un dat Royal College of Music to studeeren. He speel völ Jazzmusik un hett en eegen Band grünnd. In en Londoner Jazzclub is he denn weer up Kit Hain drapen. Nah en gemeensam Tiet as Marshall Hain wark he 1979 bi de Grupp The Flying Lizards mit un bill in de 1980er Johren mit de Singerin Deborah Berg dat Duo „Eye to Eye“, dt twee Alben herutbrocht hett, de aber kein Spood harrn. Dornah hett he as Dozent arbeit.

Julian Marshall un Kit Hain fungen 1976 an, gemeensam Musik to schrieven un spelen. Se harrn beid in’n Sömmer 1978 mit den discodörgend Titel Dancing in the City en groot internatschonaler Spood; in Grootbritannien Platz 3, in de Swiez Platz 4 un in Düütschland sogar för een Week Platz 1. De Nahfolgend Single, dat langsamere Coming Home, keem noch up Platz 39 in de britisch Charts. De LP Free Ride kunn sück nich in den Charts platzeeren un dat Duo hett sück weer uplöst. Marshall Hain bleev en One-Hit-Wonder.

Alben

• 1978: Free Ride

Singles

• 1978: Dancing in the City
• 1978: Coming Home
• 1987: Dancing in the City (Summer City ’87)
• 1992: Dancing in the City (Steve Proctor Summer ’92 Remix)

• Marshall Hain bi AllMusic (engelsch)
• Marshall Hain bi Discogs (engelsch)]