कृष्णगोपाल श्रेष्ठ

श्रेष्ठ सन् १९७९ मा नेकपा एमालेको पूर्ववर्ती नेकपा मालेको सदस्य भएर राजनीतिमा प्रवेश गरेका थिए। दलविहीन पञ्चायत व्यवस्था विरुद्धको लडाइँमा उनी पटक–पटक गिरफ्तार र जेल परेका थिए।^[२][२] सन् १९८२ मा पार्टीको काठमाडौँ जिल्ला सचिव बनेका थिए। उनले सन् १९८६ मा भक्तपुर जिल्ला सचिव, सन् १९९० मा ललितपुर जिल्ला सचिव^[२] र (माओवादी केन्द्र)सँग एकता भएए नेकपा एमाले संस्थागत राजनीतिक दल भएपछि सन् १९९८ देखि सन् २०१८ सम्म उनी नेकपाको केन्द्रीय सदस्य बनेका थिए।^[२]

पार्टीका सचिव मदन भण्डारीले आफ्नो सिट छाडेपछि उनी वि.स. २०४८ को उपनिर्वाचनमा काठमाडौँ ५ बाट निर्वाचित भएका थिए।^[२] उनी आम निर्वाचन २०५१ मा काठमाडौँ ७ निर्वाचन क्षेत्रबाट विजयी भएका थिए तर आम निर्वाचन २०५६ मा उनी काठमाडौँ ७ बाट पराजित भएका थिए।^[२]

सन् २००५ मा उनी स्थानीय विकास राज्य मन्त्री नियुक्त गरिएका थिए।^[२] सन् २००८ को संविधानसभा निर्वाचनमा उनी काठमाडौँ ९ बाट पुन: उम्मेदवार भएपनि पराजित भएका थिए। सन् २०१३ को दोस्रो संविधानसभाको निर्वाचनमा समेत उनी काठमाडौँ ९ निर्वाचन क्षेत्रबाट नेकपा एमालेका उम्मेदवार थिए तर आफ्नो लामो समयदेखिका प्रतिद्वन्द्वी नेपाली कांग्रेसका ध्यान गोविन्द रञ्जितसँग पराजित भएका थिए।^[२][३]

वि.सं. २०७४ को प्रतिनिधिसभा निर्वाचनमा उनी वाम गठबन्धनको नेकपा एमालेको प्रतिनिधित्व गर्दै काठमाडौँ ९ निर्वाचन क्षेत्रबाट निर्वाचित भएका थिए।^[४] नेकपा एमालेको नेकपा (माओवादी केन्द्र)सँग एकीकरण भएपछि उनी नयाँ पार्टीको कोषाध्यक्ष तथा आर्थिक व्यवस्थापन विभागको उपप्रमुखमा नियुक्त भएका थिए।^[५][६]

उनको जन्म सन् १९५८ अक्टोबर १ मा काठमाडौँमा बुवा हरिलाल र आमा हरिमाया श्रेष्ठको घरमा भएको थियो।^[२] उनले आफू विनम्र पृष्ठभूमिबाट आएको र एकै पटक सोझै पाँच कक्षामा भर्ना भएको बताएका थिए।^[२] उनले अर्थशास्त्रमा स्नातकोत्तरको उपाधि प्राप्त गरेका छन्।^[२] उनको दुई छोरी छिन्। ^[२]