दाफा

दाफा छता सांस्कृतिक संगीत जूगुलिं थुकियात सञ्चालन यायेगु छगु निश्चित विधि दु। थ्व विधि थ्व कथं सञ्चालन जुइ ^[१]

• द्यः ल्हाय्
• छुमा
• भात्वा
• लज
• चाली
• गौ
• धोचा
• आरती
• द्या ल्हाय्

दाफा संगीत राग व तालय् आधारित जु। म्ये कथं व दाफा खलः कथं थीथी राग व ताल थाइगु या।^[१] साधारणकथं सकल दाफा संगीतय् ३५पु राग प्रचलनय् दु। यक्व राग आः वया लोप नं जुइधुंकूगु दु। किपुल्चाया किसिपिढि दाफा खलःय् ८४पु राग मुंकातःगु दु।^[१] थुकिया लिधंसा कायेगु खःसा दाफा संगीतय् ८४पु वा व स्वया अप्व राग छ्यलातःगु दु। दाफाय् खिं, बबुचा, ताः, बासुरी, पोङ्गाचा, डमरु, आदि बाजं थाइगु या।

राग

स्वयादिसँ: राग

आःया दाफाय् छ्यलिगु राग थ्व कथं दु^[१]-

• मालः राग
• कःसी राग
• गौरी राग
• आसावरी राग
• रामकली राग
• विभास राग
• नत जयश्री राग
• विजय राग
• सारंग राग
• कोला राग
• भुपारी राग
• श्याम राग
• सोरथ राग
• धनाश्री राग
• मालुवा राग
• केदार राग
• बल्लारी राग
• कान्ध्रा राग
• मल्लार राग
• मेघ राग (मेघमल्लार)
• जयजयवन्ति राग
• वंगलि राग
• भगत राग
• मालश्री राग
• मंगल राग
• विजयमालश्री राग
• भथ्यारी राग
• संक्राम राग
• इमन राग
• पर्स राग
• बसन्त राग
• पंचम राग
• आसावरी राग
• बाह्रमास राग

ताल

स्वयादिसँ: ताल

दाफाय् छ्यलिगु ताल थ्व कथं दु^[१]-

• चो ताल
• जति ताल
• एक ताल
• प्रताल
• गह ताल
• ब्रम्ह ताल
• पन्चमा ताल
• क्षेमा ताल
• चउमा ताल^[२]
• तिमा ताल
• अष्तमा ताल
• सष्तमा ताल

दाफा थी-थी दाफा खलःतयेसं हालिगु या। दाफा खलःतयेसं दाफा संकेत थी-थी गुथि दयेकातःगु दै। थ्व गुथितयेसं दाफा स्यनिगु, बाजं आदिया जिम्मा कयातःगु दै। आःवया दाफा संगीत विश्वविद्यालय स्तरय् नं संगीतया विधाया रुपय् स्यनिगु यानाहःगु दु। काठमाडौं विश्वविद्यालयया संगीत विभागय् थ्व संगीत सीकेछिं। दाफाय् हालिगु म्ये ऋतु, दिं, वाः कथं पाइगु या। नापं, थी-थी दाफाय् थी-थी संगीत हायेकिगु या। दसु किपुया दाफाय् आइतबाः नासः ग्वारा, सोमबाः कैलाश ग्वारा, मंगलबाः गणेश ग्वारा, बुधबाः भगवान ग्वारा, बिहिबाः मक्षेन्द्र ग्वारा, शुक्रबाः असम्भव ग्वारा व शनिबाः पृथ्वि ग्वारा हायेकिगु या। ^[१] दाफा संगीत कथं थी-थी ईलय् हालिगु राग व म्ये थ्व कथं दु^[३]

थी-थी ऋतुइ हालिगु म्ये

न्हिछिया थी-थी ईलय् हालिगु राग

• कार्यपत्र: परम्परागत दाफा गायनको पद्धति र प्रयोगात्मक लौकिक शास्त्रीय पक्ष, च्वमि: रुपेन्द्र महर्जन ख। नेपाल संगीत तथा नाट्य प्रज्ञा प्रतिस्थनय वंगु मिति २०६७ साल फागुन १९ गते थ्व कार्यपत्र रुपेन्द्र महर्जन न्हेब्वेगु ख।

• राग

• काठमाडौं विश्वविद्यालय संगीत विभाग
• दाफाया बारेय् च्वसु