रेजिस्तर

रेजिस्तर छता प्यासिभ, निगु तर्मिनल दूगु, इलेक्त्रिकल भः ख गुकिलिं विद्युतीय प्रतिरोधनया सिद्धान्तयात सर्कित इलेमेन्तय् छ्यलि।

रेजिस्तर
साधारण एक्सियल-लेद रेजिस्तर
प्रकार	प्यासिभ
ज्या याइगु सिद्धान्त	विद्युतीय प्रतिरोधन
इलेक्त्रोनिक चिं

रेजिस्तरं बाहा वनिगु करेन्त रेजिस्तरया तर्मिनलया दथुया भोल्तेजया दाइरेक्त प्रपोर्सनय् दइ। थ्व स्वापूयात ओमया नियमय् थथे याना क्यनेछिं

${\displaystyle I={V \over R}}$

गन I कन्दक्तरं बाहा वनिगु करेन्त (युनित एम्पियरय्) ख धाःसा V युनित भोल्तय् कन्दक्तरया पोतेन्सियल दिफरेन्स ख, व R कन्दक्तरया (युनित ओमय्) प्रतिरोधन (रेजिस्त्यान्स) ख।

रेजिस्तरया तर्मिनलया दथुया भोल्तेल व सर्कितया करेन्तया मात्राया अनुपात सर्कित (वा रेजिस्तर)या रेजिस्त्यान्स ख। छुं छगु रेजिस्तरय् थ्व रेजिस्त्यान्स भोल्तेज स्वया स्वतन्त्र व मपाइगु (constant) धका नालेगु या।

इलेक्त्रिकल नेतवर्क व इलेक्त्रोनिक सर्कितय् रेजिस्तर साधारण भः ख व इलेक्त्रोनिक ज्याभलय् थुकिया छ्यला सिक्क हे साधारण रुपय् जु। व्यवहारिक रेजिस्तर थीथी कथंया कम्पाउन्द व फिल्म, रेजिस्त्यान्स तार (उच्च प्रतिरोधात्मक अलोइ, दसु निकेल-क्रोम) छ्यला दयेकेछिं। रेजिस्तरतयेत इन्तेग्रेतेद सर्कितय् नं छ्यलिगु या, विशेष याना एनालःग ज्याभलय्। नापं, थुकियात हाइब्रिद सर्कित व प्रिन्तेद सर्कित बोर्दय् नं छ्यलेछिं।