Ardiòs e Ishèra

Era prononciacion qu'ei [lur'djɔs] o [ar'djɔs]. Eras fòrmas ancianas que son Ordios en 1695, Lourdios (mapa de Cassini, ara fin deth sègla XVIIIau); per era aiga qui passa a Ardiòs : Aygue aperada Lurdios en 1538, L'Ordios en 1702, Lourduis (mapa de Cassini), Le Lourdios (diccionari topografic de Paul Raymond), Le Gave de Lourdios (mapa IGN ath 1/25000e) ^[3].

Per Gerhard Rohlfs, citat per Grosclaude, eth nom qu'ei enigmatic, eth radicau qu'ei probablament preromanic ^[3].

Per Dauzat, eth radicau qu'ei escur (Ordin- ?) e eth sufixe qu'ei -ossum^[4].

Segon Miquèu Grosclaude, que i a duas possibilitats :

• s'eth nom primitiu ei Ordios, era arrasic « basco-aquitana » -urd-, « planèr », ei ar'origina;
• s'eth nom primitiu ei Ardios, era arrasic « basco-aquitana » -ardi-, « pilòt de pèiras », ei ar'origina;

Dens eth prumèr cas, l iniciau qu'ei aglomerat ^[3].

Era prononciacion qu'ei [i'ʃɛrɔ] o [aj'ʃɛrɔ]. Era sola fòrma anciana qu'ei Achère/Chère (mapa de Cassini, ara fin deth sègla XVIIIau) ^[5].

Dauzat qu'explica eth nom que vien benlhèu deu basco ixar, « garança » ^[4].

Segon Miquèu Grosclaude, l'ipotèsi ixar ei pas realista, atau com lixar, « hrèisho » (en supausant ua confusion dab eth article l'. Que i a tanben l'aspés ishèra (sinonime de hashèra), deth latin fiscella, « taula per hèr hromatges », semanticament mauaisit, a mens de supausar ua espandiment semantic a « lòc on hèn hromatges ». Eth nom que demòra inexplicat ^[5].

Comuna creada en 1820, a partir d'Òussa ^[6], per era partida Ardiòs, e a partir de Sarrança per era partida Ishèra ^[3].

• Comunas deus Pirenèus Atlantics

• Portau de Bearn