Paulhac (Cantal)

Las fòrmas ancianas son Pauliacum, en latin, en 1198, Paulhaco, latinizacion de 1268, parochia de Paulhaco, latinizacion, en 1277 e 1285, in parrochia de Paolhac, en 1284, Paulhacum, latinizacion, en 1338, Paulliacum, en latin, en 1360, Paulhac, en 1365, ecclesia de Paulhac, al sègle XIV, Paulhiat, en 1416, Paulhax, en 1435, Pauliac, al sègle XV, Paullacum, en latin, en 1473, Paulat, en 1491, Paschier appellé la Sanhe de la Narsa, en 1508, Poulhac, en 1542, Apoulhac, en 1542, Paulhat, en 1594, Pouilhat, en 1628, Paulhac-en-Planèze, en 1646, Pouliac en 1649, Pauliac-en-Planèze, en 1650, Paulliac, en 1670, Poulax, en 1749 ^[1],[2]. Dauzat e Rostaing interprètan lo nom coma lo resultat del nom latin d'òme Paulius o Paullius, ame'l sufixe -acum ^[3] , latinizacion del sufixe gallés -āco(n). Los Féniés parlan de Paullius o Pavilius (origina que sèrv a explicar la prononciacion de Paulhac (Gironda) ?). Per l'omonime agenés, Bénédicte Boyrie-Fénié chausís Paullius e precisa que Paullius es una varianta del cognomen Paullus^[4]. Adoncas, Paulhac èra probablament una anciana granda proprietat antica qu'aviá per mèstre Paullius, Paulius o eventualament Pavilius. La prononciacion a Bresòms es [pu'jak] ^[5], amb la finala -ac restaurada après son afebliment regular en [-at], constatat a partir de 1416. En auvernhat, au- pretonic se pronóncia [u-] (constatable a partir de 1542).

• Davant la refòrma cantonala de 2014, aplicada en 2015, la comuna èra delh canton de Sant Flor sud; es ara delh canton de Sant Flor-2

• Portal d'Auvèrnhe