Sent Pardol deu Brolh

Sent Perdon dau/deu Brulh^[1] (Saint-Pardoux-du-Breuil en francés) es una comuna agenesa situada dens lo departament d'Òut e Garona e la region de Navèra Aquitània, ancianament d'Aquitània.

Sent Perdon dau Brulh
Saint-Pardoux-du-Breuil

Geografia fisica

Altituds
· Maximala
· Mejana
· Minimala

35 m
31 m
19 m

Geografia politica

Marmanda-2 (Marmanda-Èst avant 2015)

Jean-Michel Poignant
(2020-2026)

Geografia umana

Populacion
Populacion totala
(2018)

615 ab.

Evolucion de la populacion

630 ab.

82,33 ab./km²

Autras informacions

47200

Geografia

Comuna situda dens la ribèira de Garòna, a l'èst de Marmanda.

Sent Pardon / Perdon. Las fòrmas ancianas son : Garrigis (prioratus de ~), en 1317, Garrigia (domus de ~), en 1337, Sancti Pardulphi (r. ~) et prior de Garrigia, en 1520 ^[1]. Pardulphus, nom germanic Pard-wulf o Bard-wulf, que correspond a un ermita garit miraculosament de la ceguesa, pui vengut abat de Garait (sègles VII e VIII), es tombat sistematicament, en Occitània, dens l'atraccion de perdon ^[2], ^[1]. Bénédicte Boyrie-Fénié causís Sent Perdon, foneticament [semperduŋ]^[1] (s'atendrén a [sempərduŋ].

... deu o dau (escrit per B. Boyrie-Fénié)^[1]. Per exemple, au nòrd de Marmanda, près de Duràs, es impossible de saber se fau escriure deu o dau, prononciats [dɔw], qu'es la prononciacion que nòta Bénédicte Boyrie-Fénié per la comuna ^[1]. Ací pus au sud, farré enquestar per saber se i a un parelh minimau.

... Brulh. Brulh, Bruèlh (bòsc, talhadís, talhada) e autas variantas venen deu gallés brogilo definit dens lo Dauzat coma «petit bòsc entornejat d'un mur o d'una sèga» ^[3]. Xavier Delamarre explica que lo sens d'origina es « petit territòri », pui « bòsc barrat, claus » ^[4]. B. Boyrie-Fénié escriu Brulh (çò que correspond a la fonetica marmandesa o bordalesa : pug per puèg) mès nòta la prononciacion [- bruj] au lòc de [bryj], donc brolh ^[1]... Coma s'i conéisher ?

Garrigues (en francés), donc normalament Garrigas en occitan, citat dens las atestacions medievalas, e sa glèisa, son a 2 km au NNE deu borg (i a tanben Las Garrigas dens la comuna). Lo sens es « lòc rocassut ont creis Quercus coccifera » (varietat de casse : avaus, garrolha, agarrus, garric) ^[5] o (puslèu ací) landa que i creishen pas que matas, bruishòcs e bartàs, segon Ernèst Negre^[6].