Tèrrafòrt

La tèrrafòrt (var. tèrrahòrt, terrafòrt), aubaga o lo barriàs^[1] es lo nom balhat en Occitània als sòls argilocalcaris pesucs mas fertils. Son prigonds e rics d'argelas, çò que conferís de sòls plastics e adesius quand son umids. Necessitan una poténcia granda de traccion. Sul plan idric, la preséncia d'argelas permet una bona retencion en aiga. Quimicament, es un sòl non calcari dins la massa mas saturat en calci.

Lo nom de "tèrrafòrt" constituís un toponim atribuït a diferents terradors de l'Oèst d'Occitània : Tèrrafòrt Roergata, Tèrrafòrt Ariegenca, Tèrrafòrt Tolosana... Lauragués es tanben una tèrrafòrt,^[2] aital coma las "avantcausses" a l'entorn dels Grands Causses: Vabrés, Milhavés, Leveson, Rodanés e Vilafrancat.^[1] Es sovent opausat a la Bolbena, nom celtic^[1] que significa una tèrra leugièra, "argilosablonosa"^[1] e batenta puslèu acida.