ਸਟੈੱਮ ਸੈੱਲ

ਸਟੈੱਮ ਸੈੱਲ ਵਿਲੱਖਣ ਕਿਸਮ ਦੇ ਖਾਲੀ ਸੈੱਲ ਹੁੰਦੇ ਹਨ ਜੋ ਲੋੜ ਮੁਤਾਬਕ ਲਹੂ, ਦਿਮਾਗ਼ ਜਾਂ ਹੱਡੀ ਸੈੱਲਾਂ ਵਿੱਚ ਤਬਦੀਲ ਕੀਤੇ ਜਾ ਸਕਦੇ ਹਨ। ਇਹ ਖ਼ਾਸ ਇਸ ਲਈ ਹੁੰਦੇ ਹਨ ਕਿਉਂਕਿ ਸਟੈੱਮ ਸੈੱਲ ਨਿਵੇਕਲੇ ਹੁੰਦੇ ਹਨ, ਹਰ ਸੈੱਲ ਨੂੰ ਜਾਣਨ ਲਈ ਵੱਖ ਕਿਸਮ ਦੀ ਖੋਜ ਕਰਨੀ ਪੈਂਦੀ ਹੈ ਅਤੇ ਇਹ ਮੁੜ ਸਵੈ-ਸੁਰਜੀਤ (ਰੀਜੈਨਰੇਟ) ਹੋ ਕੇ ਇੱਕ ਤੋਂ ਵੱਧ ਵਾਰ ਹੋਰ ਸੈੱਲਾਂ ’ਚ ਵੰਡੇ ਜਾ ਸਕਦੇ ਹਨ। ਸਟੈੱਮ ਸੈੱਲ ਗਿੱਲੀ ਮਿੱਟੀ ਵਾਂਗ ਹੁੰਦੇ ਹਨ। ਇਸ ਦੇ ਗਿੱਲੇਪਨ ਮੁਤਾਬਕ ਇਸ ਨੂੰ ਜਿਵੇਂ ਮਰਜ਼ੀ ਆਕਾਰ ਦਿੱਤਾ ਜਾ ਸਕਦਾ ਹੈ। ਸੈੱਲ, ਜੀਵਨ ਦੀ ਮੁੱਢਲੀ ਇਕਾਈ ਹੈ। ਸਾਡਾ ਸਰੀਰ ਅਰਬਾਂ ਸੈੱਲਾਂ ਦੇ ਗਠਜੋੜ ਨਾਲ ਬਣਿਆ ਹੈ। ਸਰੀਰ ਵਿੱਚ ਚਮੜੀ, ਲਹੂ, ਹੱਡੀ, ਦਿਮਾਗ਼ ਆਦਿ ਹਰ ਅੰਗ ਦੇ ਵੱਖ-ਵੱਖ ਸੈੱਲ ਹੁੰਦੇ ਹਨ। ਸਟੈੱਮ ਸੈੱਲ ਖੋਜ ਕਾਰਜਾਂ ਲਈ ਸਰ ਜੌਨ.ਬੀ. ਗੁਰਡੌਨ ਅਤੇ ਸ਼ਿਨਯਾ ਯਮਨਕਾ ਨੂੰ ਨੋਬੇਲ ਪੁਰਸਕਾਰ ਦਿਤਾ ਗਿਆ।^[1]