Bonet

Ël bonèt a l'é un bodin ëd veja tradission tìpich dël Piemont con euv, sùcher, làit, pover ëd cicolata, licor (solitament Rom) e amaret sec.

Ingredient

Làit, Sùcher, Amaret, Pover ëd cicolata mera, Euv, Rom

Origin dël Nom

L'origin a l'é nen siura aj son diverse version, en piemontéis ël nòm "bonet" a veul dì en capel rotond, la coi forma a ricorda cola ëd le stamp a tronch ed còno bass antè a vnisìa cheuit el bonet. Le stamp ëd ram en coi as cheusijo e ij bodin a vnisìo ciamà "Bonet ëd cusin-a", che a sarìa en capel da cusin-a o na barëtta da cusinè. Ël doss a l'avrìa pijait el nòm dalle stamp. Costa interpretassion a ven dàita dal vocabolari piemontéis italian Vitorio Sant'Albino dël 1859.N'aota interpretassion ch'as treuva ant le langhe, un-a ëd le zòne d'origin, a riten che ël nòm a ricordeisa ël capel përchè ël doss a vnisìa servì a la fin dël past. Come as buta ël capel da ultim prima ëd sorti, parej as mangiava ël bonet prima ëd finì ël past ëd mesdì ò la sin-a: a capel ëd tut el rest.

Preparassion e cose diverse

Ël bonet a ven preparà e cosinà con la stesa manera ch'as dovra për ij doss dël Creme Caramel, difus in tuta Europa.Ël bonet tradissional piemontéis, fàit in cà ëd le none, a l'avìa nen la base ed Rom ma ëd Fernet, përchè finì ël past, ël Fernet a servija për giuté la digestion.As sbato ansema euv, làit, sùcher e amaret pistà e pover ëd cicolata mera. As buta ans ël feu con le stamp andova el bonet a vnirà cheuit, as vërsa prima drinta ël sùcher e un poch d'eva për felo caramelé, covertand el fond e in turna. Una volta caramelà as bota el liquid drinta le stamp e as fa cheuse a bagn Marìa fin a quand ch'a sia dur. Peui as lassa sfreidé dal moment che el doss as mangia freid.L'arseta a peul avej diverse manere in Piemont, per esempi as giunto ninsòle ëd la varietà tonda gentile ëd le langhe, dël café o pura ël Cògnac al post del Rom.Bon aptit.