Mornèis

Mornèis

Stat:	Italia
Region:	Piemont
Provincia:	Provincia ëd Lissandria
Nòm 'n italian:	Mornese
Coordinà:	Latitudin: 44° 38′ 20.3′′ N Longitudin: 8° 45′ 22.1′′ E Mostra an sla carta
Autëssa:	380 m s.l.m.
Surfassa:	13,22 km²
Abitant:	738 (2017)
Comun dj'anviron:	Beuso, Casalegio, Montondé, Paròd
CAP:	15075
Prefiss tel.:	0143
Còdes ÌSTAT:	006111
Còdes fiscal:	F737
Sant protetor:	san Nicòla
Festa dël borgh:	10 dë stèmber

Sit istitussional

Mornèis (Mornese an italian, Morneise an lìgure) a l'é un comun dël Piemont ëd 738 abitant ^[1], ant la provinsa ëd Lissandria.

As treuva al bòrd stentrional ëd l'Apenin Lìgure, al confin con l'Àut Monfrà, antra le val dij torent Lèm e Gorzent.

Stòria

A smija ch'ël nòm ëd Mornèis a fussa atestà ant l'àuta Età 'd Mès co'l topònim ëd Molanesio, miraco lijà a le atività dij mulaté ch'a fasìo comersi ëd sal e d'àutre marcansìe antra 'l mar ëd la Liguria e la pian-a dël Pò. La posission stratégica an sle strà 'd comunicassion a l'ha favorì l'insediament dij monio dl'abassìa 'd San Siro 'd Génoa. La sità a ancamin-a parèj a espande soa influensa ant ij teritòri dl'Oltragiov e a sarà la famija genoèisa dij Ross ëd la Vòlta a fesse anfeodé ant j'anviron e a fé edifiché 'n castel. Dël Tërzent ël pais a passa prima sota ij Marchèis dël Monfrà, peui a la famija Dòria, ch'a lo tnirà fin al Sinchsent. D'apress, Mornèis a passa 'd man a àutre famije genoèise dij Passan, dij Palavzin e dij Sèra. Costi ùltim a tniran ël pais për squasi sent e sinquanta agn, ëdcò quand che ant ël cors dël Setsent la region a passa sota al contròl dël Regn ëd Sardëgna.

D'apress a l'época dla dominassion fransèisa ëd Napoleon Bon-a-part, dël 1815 Mornèis a torna ant ël Regn ëd Sardëgna, e dal 1859, an séguit a la riorganisassion aministrativa dël Decret Rattazzi (Lèj n.3702, 23 otóber 1859), a l'é aministrà sota a la Provinsa ëd Lissandria, al Sircondari ëd Neuve e al Mandament ëd Castlèt d'Òrba.

Aministrassion

Ël sìndich a l'é Simone Pestarino (dal 26/05/2014).

Përsonagi arnomà

Santa Maria Domenica Mazzarello (Mornèis, 1837 - Nissa dla Paja, 1881), a l'ha fondà l'órdin ëd le Fije 'd Maria Ausiliatris.

Anliure esterne

Sit istitussional

Arferiment

[1]

Search