اسٹریلیا قومی کرکٹ ٹیم

آسٹریلیا

فائل:Australia cricket logo.svg آسٹریلیئن کوٹ آف آرمز
عرف	کینگرو
افراد کار
کپتان	سٹیو سمتھ
کوچ	ڈیرن لیہمن
تریخ
ٹیسٹ درجہ ملیا	1877
انٹرنیشنل کرکٹ کونسل
آئی سی سی درجہ بندیاں موجودہ [۱] ویہہٹ-ایور ٹیسٹ 5 1 او ڈی آئی 3 1 ٹی 20 آئی 6 1
ٹیسٹ
پہلا ٹیسٹ	v  انگلستان میلبرن کرکٹ گراؤنڈ، میلبرن؛ 15–19 مارچ 1877
آخری ٹیسٹ	v  بنگلہ دیش زوہر احمد چودھری سٹیڈیم، چٹگانو وچّ؛ 4–7 ستمبر 2017
ٹیسٹ کھیلے جتے/ہارے کُل [۲] 803 378/216 (207 ڈراء، 2 ٹائی) اس سال [۳] 7 3/3 (1 ڈراء)
اک روزہ بین الاقوامی
پہلا او ڈی آئی	v  انگلستان میلبرن کرکٹ گراؤنڈ، میلبرن؛ 5 جنوری 1971
آخری او ڈی آئی	v  بھارت ودربھ کرکٹ ایسوسی ایشن سٹیڈیم، ناگپور وچّ؛ 1 اکتوبر 2017
او ڈی آئی کھیلے جتے/ہارے کُل [۴] 906 555/308 (9 ٹائی، 34 کوئی نتیجہ نہیں) اس سال [۵] 15 5/8 (0 ٹائی، 2 کوئی نتیجہ نہیں)
عالمی کپ کھیلے	11 (پہلا 1975 وچ)
بہترین نتیجہ	جیتو (5 وار)
ٹی 20 بین الاقوامی
پہلا ٹی 20 آئی	v  نیوزی لینڈ ایڈن پارک، آکلینڈ وچّ؛ 17 فروری 2005
آخری ٹی 20 آئی	v  بھارت برساپارا کرکٹ سٹیڈیم، گوہاٹی وچّ؛ 10 اکتوبر 2017
ٹی 20 آئی کھیلے جتے/ہارے کُل [۶] 95 48/44 (2 ٹائی، 1 کوئی نتیجہ نہیں) اس سال [۷] 5 2/3 (0 ٹائی، 0 کوئی نتیجہ نہیں)
عالمی ٹوئنٹی20 کھیلے	6 (پہلا 2007 وچ)
بہترین نتیجہ	رنر اپ (2010)
ٹیسٹ وردی او ڈی آئی وردی ٹی 20 آئی وردی
آخری مرتبہ تجدید 10 اکتوبر 2017 نو‏‏ں کيتی گئی سی

آسٹریلیا قومی کرکٹ ٹیم جسنوں (آسٹریلیائی کرکٹ ٹیم وی کیہا جاندا اے)، اک قومی کرکٹ ٹیم اے جو کہ آسٹریلیا دیس ولوں انترقومی کرکٹ کھیڈدی اے۔ ایہہ عالمی کرکٹ دیاں سبھ توں پرانیاں ٹیسٹ کرکٹ ٹیماں وچوں اک اے، جو کہ 1877 توں کھیڈدی آ رہی اے۔^[۸]

ایہہ ٹیم اک دنا انترقومی اتے ٹونٹی20 انترقومی کرکٹ کھیڈدی اے۔ ٹیم نے پہلا اوڈیائی میچ انگلینڈ خلاف 1970–71 دے سیزن وچ کھیڈیا سی^[۹] اتے پہلا ٹونٹی20 میچ نیوزیلینڈ خلاف 2004-05 دے سیزن وچ کھیڈیا سی۔^[۱۰]

اس قومی ٹیم نے 801 ٹیسٹ میچ کھیڈے ہن، 377 جتے ہن، 215 ہارے ہن، 207 ڈراء راے ہن اتے 2 میچ ٹائی ہوئے ہن۔^[۱۱] سبھ توں زیادہ ٹیسٹ میچ کھیڈن دے اتے جت فیصد دے حوالہ وچ آسٹریلیا پہلے نمبر دی ٹیم اے۔ 29 مارچ 2017 مطابق آئیسیسی ٹیسٹ چیمپیئن شپ وچ 108 انکاں نال ایہہ ٹیم پہلے نمبر اُتے سی۔^[۱۲]

اس ٹیم نے 901 اوڈیائی میچ کھیڈے ہن، 554 جتے ہن، 304 ہارے ہن، 9 میچ ٹائی راے اتے 34 میچ بناں کسے نتیجے (ردّ) دے سماپت ہوئے ہن۔^[۱۳] اوڈیائی رینکنگ وچ وی ایہہ ٹیم ہمیشہ لیڈ کردی رہی اے۔ اس ٹیم دی ایہہ خاصیت اے کہ ایہہ ٹیم ستّ وار کرکٹ عالمی کپ دے فائینل مقابلے (1975, 1987, 1996, 1999, 2003, 2007 اتے 2015) وچ پہنچی اے اتے اس ٹیم نے ریکارڈ پنج وار عالمی کپ جتیا اے؛ 1987، 1999، 2003، 2007 اتے 2015। آسٹریلیا پہلی اجیہی ٹیم اے جو کہ لگاتار چار وار عالمی کپ دے فائینل وچ کھیڈی اے۔ (1996, 1999, 2003 اتے 2007 وچ)۔ اس توں علاوہ اس ٹیم نے لگاتار تن عالمی کپ (1999, 2003 اتے 2007) جتے ہن۔ بھارت (2011 عالمی کپ) توں بعد ایہہ دوسری ٹیم اے، جسنے اپنی دھرتی اُتے عالمی کپ (2015 دا) جتیا اے۔

ایہہ ٹیم عالمی کپ میچاں وچ لگاتار 34 جتاں درج کروا چکی اے، ایہہ سلسلہ ادوں رکیا سی جدوں پاکستان نے 2011 کرکٹ عالمی کپ وچ آسٹریلیا نوں 4 وکٹاں نال ہرایا سی۔^[۱۴] آسٹریلیائی ٹیم 2006 اتے 2009 وچ چیمپیئنز ٹرافی وی جت چکی اے۔ اس ٹیم نے 93 ٹونٹی20 میچ کھیڈے ہن، 47 جتے ہن، 43 ہارے ہن، 2 میچ ٹائی راے اتے 1 میچ دا کوئی نتیجہ نہیں ہو پایا۔^[۱۵]

تریخ

اسٹریلیا قومی کرکٹ ٹیم اسٹریلیا دی قومی کرکٹ ٹیم اے۔ ایس ٹیم نے 1877 وچ انگلینڈ دے چلاف پہلا ٹیسٹ میچ کھیڈیا سی۔آسٹریلیا دی کرکٹ ٹیم انگلینڈ نال کرکٹ دیاں سب توں پرانی ٹیم اے۔ اس ٹیم نے پہلا ٹیسٹ میچ انگلینڈ دے خلاف 1877 نوں کھیڈیا سی۔ آسٹریلیا دی ٹیم نیں 764 ٹیسٹ میچ کھیڈے نیں جیناں چوں 358 جتے، 202 ہارے تے 2 برابر کیتے نیں۔ ٹیسٹ میچاں وچ آسٹریلیا دی ٹیم جگ دی سب توں چنگی ٹیم گنی جاندی اے۔ آسٹریلیا نیں 797 ون ڈے میچ کھیڈے نیں جیناں چوں 490 جتے، 272 ہارے، 9 برابر کیتے تے 26 دا کوئی نتیجہ نئیں آیا۔ آسٹریلیا نیں 6 واری ورلڈ کپ چ کھیڈیا اے تے 4 واری ورلڈ کپ جتیا اے: 1987، 1999، 2003، 2007۔ آسٹریلیا دی ٹیم نیں 39 ٹونٹی ٹونٹی میچ وی کھیڈے نیں جیناں چوں اک واری 2010 وچ ٹونٹی ٹونٹی ورلڈ کپ دے فائنل چ انگلینڈ توں ہار گئ‏ی۔

=پہلا ٹیسٹ میچ

آسٹریلیا دی ٹیم نیں سب توں پہلا ٹیسٹ میچ 1877 نوں انگلینڈ دے خلاف کھیڈیا جیدے وچ 45 رن توں انگلینڈ ہار گیا۔ اس میچ وچ چارلس بینرمین نیں پہلی ٹیسٹ سنچری بنائی: 165 رن۔ اس ویلے انگیلنڈ تے آسٹریلیا ای دو ٹیسٹ کھیڈن آلے دیس سن۔ دوناں دیساں دے وشکار بوت راہ سی جیدی وجہ توں میچ کٹ کٹ ہوندے سن تے اک ٹیم نوں دوجے دیس کھیڈن جان لئی کئی ماہ لگ جاندے سن۔ آسٹریلیا دی آبادی کٹ ہون توں باوجود آسٹریلیا نے کئی چنگے کھڈاری بناۓ۔ 1882 وچ انگلینڈ تے آسٹریلیا دے وشکار اک ٹیسٹ میچ وچ چوتھے دن آسٹریلیا دے بالر نیں 44 رن کھا کر 7 بندے آؤٹ کر کے میچ آسٹریلیا نوں 85 رناں توں جتا دتا۔ اخبار چ خبر آئی کہ انگلینڈ دی کرکٹ نوں آسٹریلیا آلے اگ لا کے راکھ نال لے گۓ نیں۔ اس توں بعد راکھ(Ashes) ناں دے ٹیسٹ میچ انگلینڈ تے آسٹریلیا دے وشکار ہوندے آرۓ نیں۔ اے میچ سارے کھیڈاں وچ سب توں پرانے تے مشہور مقابلے نیں۔

ٹیم دا سنہری ویلہ

آسٹریلیا دی کرکٹ دا سنہری ویلا 19ویں صدی دے آخر تے آیا جدوں آسٹریلیا نیں 10 سیریز وچوں 8 جتیاں، ایناں وچ انگلینڈ دے دورے تے دکھنی افریقہ دے دورے شامل نیں۔ اس دی وجہ آسٹریلیا دے کپتان جو ڈارلنگ، مونٹی نوبل تے کلیم ہل بنے۔ اس توں علاوہ اس دور آسٹریلیا دے کول زبردست بلے باز، بالر تے آل راؤنڈر سن جیناں دی وجہ توں آسٹریلیا کرکٹ دا بادشاہ بن گیا۔ آسٹریلیا دے بلے باز وکٹر ٹرمپر نیں 49 ٹیسٹ میچاں وچ 39۔04 مدر تے 3163 رن بنا کر دیسی ہیرو بن گیا۔ اونوں ڈونلڈ بریڈمین توں بعد آسٹریلیا دا سب توں مشہور کھڈاری آخیا جاندا اے۔ اوہ گردے دی بماری توں 37 وریاں چ ای فوت ہوگیا۔ اودی موت تے پورا دیس دکھی ہوگیا تے سوگ منایا گیا۔ پہلی وڈی لڑائی توں پہلاں دے وریاں چ آسٹریلیا دی ٹیم دے اندر کافی لڑائی ہوندی رئی جیدی وجہ توں انگلینڈ نال 1912 دے میچ وچ آسٹریلیا دے سب توں چنگے 6 کھڈاری ٹر گۓ۔ آسٹریلیا دا اک کھڈاری لڑائی چ ماریا گیا تے 8 وریاں تک آسٹریلیا وچ کرکٹ نئیں کھیڈی گئی۔

1930 4ا دہاکا

1930 وچ آسٹریلیا اک قاتل ٹیم لے کر گیا جیدے وچ کرکٹ دے ہیرو سن: کپتان بل وڈفل، بل پانسفورڈ، سٹین مک کیب، کلیری گرمٹ، آرچی جیکسن تے ڈونلڈ بریڈمین۔ بریڈمیں نیں سیریز وچ کمال کر دتا: اونیں ریکارڈ 974 رن بناۓ، جیدے وچ اک سنچری، دو ڈبل سنچریاں تے اک ٹرپل سنچری شامل نیں تے اک اننگ وچ 334 رن بناۓ۔ اس ٹیم نوں کوئی وی نئیں روک سکدا سی۔ اس ٹیم نیں اگلے 10 ٹیسٹ میچاں وچوں 9 جت لۓ۔ اس توں بعد 1932-33 دی سیریز وچ انگلینڈ دے کپتان نے اپنے بالراں نوں کیا کہ اوہ بال اچھال کر بلے باز نوں مارن دی کوشش کرن اس دی وجہ توں دو آسٹریلیا دے بلے باز زخمی ہو گۓ۔ اک دا سر پھٹ گیا تے دوجے نوں دل اتے بال وجی۔ اس وجہ توں سٹیڈیم وچ لڑائی ہون لگی سی مگر رک گئی۔ اس توں بعد اوتھے بیٹھے آسٹریلیا دے سیاستداناں نیں احتجاج کیتا جیدی وجہ توں بال بندے نوں مارنا کرکٹ دے قنون چ منع کر دتا گیا۔ آسٹریلیا نیں 1934 دی سیریز جت کر کم برابر کردتا۔ ڈونلڈ بریڈمین نیں اس سیریز وچ وی ٹرپل سنچری بنا دتی۔ ڈونلڈ بریڈمین نوں کرکٹ دا سب توں چنگا بلے باز سمجیا جاندا اے۔ اونیں 1930 توں 1948 تک کرکٹ کھیڈی تے کئی ورلڈ ریکارڈ بنا دتے جیناں وچوں سب توں بوتی مدر دا اج تک مجود اے۔ 1938 وچ آخری ٹیسٹ سیریز ہوئی جیدے بعد دوجی وڈی جنگ دی وجہ توں کوئی ٹیس میچ نئیں ہویا۔جنگ توں بعد بریڈمین تے پرانے کھڈاریاں دے نال نووے کھڈاریاں دی ٹیم نال آسٹریلیا نیں 2 ایشز تے اک بھارت نال ٹیسٹ سیریز جتی۔ آسٹریلیا 1950 دی دہائی وچ ایناں چنگا نئیں ریا جدوں 3 ایشز اک توں بعد اگلی انگلینڈ جتیا۔ 1956 دی ایشز وچ انگلینڈ دی سپنر لیکر تے لاک نیں 61 وکٹاں لے کر آسٹریلیا نوں ڈبو کر رکھ دتا۔

=کرکٹ دے شروع ہون دے سو سال دا میچ

1977 وچ کرکٹ نوں 100 ورے ہون تے اک انگلینڈ نال میچ کھیڈیا گیا جیدے وچ آسٹریلیا 45 رن توں جت گیا۔ 1981 وچ نیوزیلینڈ نوں اک بال تے 6 رن چائیدے سن تے آسٹریلیا دے بالر نیں آخری بال ریڈ دتی جس دی وجہ توں چکھا نئیں لگ سکدا سی۔ میچ تے آسٹریلیا جت گیا مگر اس توں بعد بال ریڑنا کرکٹ دے قنون توں کڈ دتی گئی۔ 1980 دی دہائی دے آخر تے نوے چنگے کھڈاری آۓ جیناں توں آسٹریلیا 1990 دی دہائی تے اج تک آسٹریلیا سارے ایشز جتیا تے تین ورلڈ کپ لگاتار جتیا۔ اس دی وجہ گلن مک گراتھ، شین وارن، جسٹن لینگر، میتھیو ہیڈن، سٹیوو واش، ایڈم گلخرسٹ تے رکی پونٹنگ نیں۔ مگر اس توں بعد ایناں وچوں کئی کھڈاریاں دی ریٹائرمنٹ تے آسٹریلیا انگلینڈ تے بھارت توں سیریز ہاردا ریا تے ٹیسٹ رینکنگ وچ ڈگ کے 5ویں نمبر تے آگیا۔

ٹورنامینٹ اتہاس

لال بکسا وکھاؤندا اے کہ ٹورنامینٹ آسٹریلیا دیس وچ کھیڈیا گیا۔

آئیسیسی عالمی کپ

عالمی کپ ریکارڈ
سال	راؤنڈ (دور)	ستھتی	کھیڈے	جتے	ہارے	ٹائی	کوئی نتیجہ نہیں
1975	رنر-اپر	2/8	5	3	2	0	0
1979	گروپ پدھر	6/8	3	1	2	0	0
1983			6	2	4	0	0
1987	چیمپیئنز	1/8	8	7	1	0	0
1992	راؤنڈ 1	5/9	8	4	4	0	0
1996	رنر-اپّ	2/12	7	5	2	0	0
1999	چیمپیئنز	1/12	10	7	2	1	0
2003		1/14	11	11	0	0	0
2007		1/16	11	11	0	0	0
2011	کارٹر-فائینلر	6/14	7	4	2	0	1
2015	چیمپیئنز	1/14	9	7	1	0	1
2019	–	–	–	–	–
کل	5 ٹائیٹل	1	85	62	20	1	2

آئیسیسی عالمی ٹونٹی20

عالمی ٹونٹی20 ریکارڈ
سال	راؤنڈ	ستھتی	کھیڈے	جتے	ہارے	ٹائی	کوئی نتیجہ نہیں
2007	سیمی-فائینل	3/12	6	3	3	0	0
2009	راؤنڈ 1	11/12	2	0	2	0	0
2010	رنر-اپ	2/12	7	6	1	0	0
2012	سیمی-فائینل	3/12	6	4	2	0	0
2014	سپر 10	8/16	4	1	3	0	0
2016		6/16	4	2	2	0	0
2020	–	–	–	–	–	–	–
کل	0 ٹائیٹل	5/5	29	16	13	0	0

آئیسیسی چیمپیئنز ٹرافی

چیمپیئنز ٹرافی ریکارڈ
سال	راؤنڈ	حالت	کھیڈے	جتے	ہارے	ٹائی	کوئی نتیجہ نہیں
1998	کارٹر-فائینلر	6/9	1	0	1	0	0
2000		5/11	1	0	1	0	0
2002	سیمی-فائینل	4/12	3	2	1	0	0
2004		3/12	3	2	1	0	0
2006	چیمپیئنز	1/10	5	4	1	0	0
2009		1/8	5	4	0	0	1
2013	گروپ پدھر	7/8	3	0	2	0	1
2017			3	0	1	0	2
کل	2 ٹائیٹل	6/6	24	12	8	0	4

کامنویلتھ کھیڈاں

کامنویلتھ کھیڈاں ریکارڈ
سال	راؤنڈ	ستھتی	کھیڈے	جتے	ہارے	ٹائی	کوئی نتیجہ نہیں
1998	رنر-اپّ	2/16	5	4	1	0	0
کل	0 ٹائیٹل	1/1	5	4	1	0	0

اعزاز

کرکٹ عالمی کپ (5): 1987, 1999, 2003, 2007, 2015

آئیسیسی چیمپیئنز ٹرافی (2): 2006, 2009

سال دی سبھ توں ودھیا ٹیم لئی لاؤریئس عالمی سپورٹس انعام (1): 2002

کھڈاری

Key

• S/N – قمیض نمبر
• C - کنٹریکٹ اُتے (Y = کنٹریکٹ اُتے رہا)

ہور ویکھو

• ایشز

حوالے