Emmanuel Petit

Emmanuel Laurent "Manu" Petit (French pronunciation: ​[ɛmanɥɛl pəˈti]; born 22 September 1970) is a French retired fitbawer, who played club fitbaa for Monaco, Arsenal, Barcelona, an Chelsea. He representit Fraunce at internaitional level, an scored the third goal in Fraunce's 3–0 victory in the 1998 FIFA Warld Cup Final.

Emmanuel Petit
Petit in 2005
Personal information
Fou nameEmmanuel Laurent Petit
Date o birth (1970-09-22) 22 September 1970 (age 53)
Place o birthDieppe, France
Hicht1.85 m (6 ft 1 in)
Playin poseetionMidfielder
Hauflin career
Arques-la-Bataille
Senior career*
YearsTeamApps(Gls)
1988–1997Monaco222(4)
1997–2000Arsenal85(9)
2000–2001Barcelona23(1)
2001–2004Chelsea55(2)
Total385(16)
Naitional team
1990–2003Fraunce63(6)
* Senior club appearances an goals coontit for the domestic league anerly

Club career

Emmanuel Petit wis born on 22 September 1970 in Dieppe, Seine-Maritime. He began his career at minor club ES Arques-la-Bataille,[1] afore bein signed bi Arsène Wenger's AS Monaco at the age o 18. He made his debut suin efter an played in the 1989 French Cup feenal. Petit became a regular at Monaco, playin at left midfielder or centre midfielder; in 1991 he wan the Cup wi Monaco, an played in the 1992 European Cup Winners' Cup feenal an aw (which Monaco lost tae Werder Bremen). In 1996–97, his feenal saison at Monaco, he caiptained his side tae the Ligue 1 title.

Despite interest frae Levski Sofia, Rangers an Tottenham Hotspur, Petit jynt Arsenal in Juin 1997 for £2.5m,[1] whaur he was reunitit wi his umwhile Monaco manager, Arsène Wenger. Wenger switched Petit frae central midfielder tae defensive midfielder, an pairtnered him wi fellae Frenchman Patrick Vieira. The French duo shapit a midfield pairtnership which brocht instant success, as Petit wan the Double wi Arsenal in his very first saison, clinchin baith the Premier League title an the FA Cup. Aathegither, in the three saisons in his Arsenal career, Petit made 118 appearances an scored 11 goals, includin a stunnin drive frae ootside the aurie against Derby County (which wis the winnin goal an aw), durin the 1997–98 saison.

Petit muivit tae Barcelona (thegither wi Arsenal team-mate Marc Overmars) in the simmer o 2000 for £7m (€14m). At Barcelona he wis muivit back intae defence, an suffered a rash o nigglin injuries; as a result, he failed tae settle an coud no haud doun a regular place. In his biografie, published in 2008, the midfielder gae his time at Barcelona a special chapter, in which he exposit that coach Llorenç Serra Ferrer didna even ken wha position he played when he jynt the team. His anerly goal for Barcelona came on 13 Mey 2001 at hame tae Rayo Vallecano in a 5-1 win.[2]

Efter his first saison at the Camp Nou, he wis linkit wi muives back tae Ingland wi Manchester United, Tottenham Hotspur an Chelsea. He muivit back tae Ingland tae sign for Chelsea in 2001 for £7.5m.[3][4] He initially wis a first-team regular for the Blues in a lairgely disappointin first saison an played in the 2002 FA Cup Feenal [5] which Chelsea lost tae his auld club, Arsenal. He scored his first goal for Chelsea in a 2–1 win ower Derby County on 30 Mairch 2002.[6] His seicont saison saw a significant impruivement, as he shapit an impressive midfield pairtnership wi Frank Lampard as Chelsea impressed in the winner-taks-aw feenal game o the saison against Liverpool as Chelsea secured the fowert UEFA Champions League berth. He scored twice throuoot the saison an aw: against Everton in the League Cup,[7] an umwhile club Arsenal in the league.[8] Housomeivver, efter a series o knee injuries, he spent hintle o his feenal saison o his career on the sidelines, an he wis released on a free transfer in the simmer o 2004, his feenal appearance for the club comin against Blackburn Rovers on 1 Februar 2004.[9]

Efter bein released bi Chelsea, Petit rejectit the chance tae sign for Bolton Wanderers,[10][11] an he annooncit his retirement on 20 Januar 2005 efter failin tae fully recover follaein knee surgery.[12][13][14]

Internaitional career

Playin for the Fraunce naitional team, Petit earned 63 caps an scored 6 internaitional goals in his career an wan the 1998 FIFA Warld Cup an the Euro 2000. He scored twice in the 1998 Warld Cup, the first came from a pouerful shot frae juist ootside the box against Denmark, which turned oot tae be the match winner, an a seicont in the feenal against Brazil. The goal he scored in the feenal wis pairticularly memorable, as he haed embarkit on an optimistic run athort field afore calmly slottin in the goal in the feenal minute o regular time. That same goal happened tae be the 1,000t goal in the history o the Fédération Française de Football, an the last Warld Cup goal o the twintiet hunderyear. France wan the match 3–0. An earlier Petit corner kick haed set up Zinedine Zidane's heider for Fraunce's first goal. Petit wis pairt of the 2002 FIFA Warld Cup squad an aw, which failed tae advance past the group stages an failed tae score a single goal in three matches durin their defence o the trophy.

Petit retired frae internaitional fitbaa in September 2003.[15]

Personal life

Petit marriet French actress Agathe de La Fontaine,[16] in 2000, but later divorced her in 2002 efter haein ane bairn, Zoe. He nou shares a life wi Maria Servello, wi whom he haed anither bairn, Violet, in 2007. He haes been a fitbaa analyst in Fraunce an aw.

His brither Olivier wis an amateur fitbawer when Petit wis a teenager. While playin for his club Arques in 1988, Olivier collapsed an wis rushed tae hospital whaur he wis pronooncit deid due tae a blood clot o the brain.[17] In his biografie, Petit explained that this event shockit him tae such an extent that it amaist made him quit fitbaa. He viewed his brither as a giftit young man who haed guid looks an did well in aw his endeavours, whether it wis fitbaa or eddication.

In Julie 1998 Petit wan £17,000 worth o francs on a fruit machine in a Monte Carlo hotel. He gae it aw tae charity.[18]

Petit's squad nummer at aw his clubs wis 17.

In Juin 2011, Petit shavit his hair for charity, raisin £34,000, he shavit his beard an aw.

Petit haes been an ambassador for the Hameless Warld Cup muivement syne the tournament wis hostit bi Paris in 2011.[19]

He wis featurt in an episode o The Bill in a Christenmas special an aw.

Career statistics

Club

[20]

Club performanceLeagueCupLeague CupContinentalTotal
SeasonClubLeagueAppsGoalsAppsGoalsAppsGoalsAppsGoalsAppsGoals
FraunceLeagueCoupe de FranceCoupe de la LigueEuropeTotal
1988–89MonacoDivision 19091-00181
1989–9028010-70360
1990–9127160-50381
1991–9228040-70390
1992–9325120--271
1993–9428020-100400
1994–952511010-271
1995–96231300010271
1996–97290103070400
InglandLeagueFA CupLeague CupEuropeTotal
1997–98ArsenalFA Premier League322703020442
1998–99264320030326
1999–20002733000100403
SpainLeagueCopa del ReySupercopa de EspañaEuropeTotal
2000–01BarcelonaLa Liga23150-100381
InglandLeagueFA CupLeague CupEuropeTotal
2001–02ChelseaFA Premier League271602030381
2002–03241501110312
2003–044010002070
TotalFraunce2224291403702925
Ingland140112526121019214
Spain2315000100381
Career total3851659310168052220

Internaitional

[21]

Fraunce naitional team
YearAppsGoals
199010
199100
199250
199370
199410
199500
199610
199720
1998102
199951
2000141
200171
200291
200310
Total636

Honours

Club

Monaco
  • Ligue 1 (1): 1996–97
  • Coupe de France (1): 1990-91
Arsenal
  • FA Premier League (1): 1997–98
  • FA Cup (1): 1997–98
  • FA Charity Shield (2): 1998, 1999

Internaitional

Fraunce

Indwaller

  • Premier League Player of the Month (1): Apryle 1998
  • Onze de Bronze: 1998
  • PFA Premier League Team of the Year (1): 1998-99

Orders

References

Freemit airtins