Liqeni i Badocit

Diga u ndërtua në vitet 1963-1966 në menyrë që të furnizoj qytetin e Prishtinës me ujë dhe është 52 m e lartë edhe 246 m e gjerë. Ndodhet në luginën e Badocit, në afërsi të xeherores "Rainwater". Gjatë ndërtimit fshati Novo Selle u zhvendos sipër liqenit, kurse fshati Badoc perfundi digës. Ne liqen ndodhen të fundosura nje kishë e vjetër dhe varrezat e fshatit Novo Selle.

Liqeni ndodhet rreth pesë kilometra larg në juglindje nga kryeqyteti i Kosovës, Prishtinë. Shumë afër është Hajvalia që ndodhet pothuajse në breg të liqenit. Në bregun jugor të rezervuarit përshkon rruga M25.2 e cila lidh Prishtinën me Gjilanin. Toka rreth liqenit është një zonë kodrinore ku ka shumë pyje.^{[1] [2]}

Në kapacitet të plotë, liqeni është 3.5 kilometra i gjatë dhe 100 metra i gjerë. Thellësia maksimale është 30 m, dhe ka vëllim total prej 26 milion metër kubik ujë. Zona ujëmbledhese e liqenit është 109 km² (42 sq mi).^[3] Në shkurt 2014, niveli i ujit ishte në gjendje alarmante, si pasojë e dimrit te thatë.^[4]

Në fillim të viti 2016, 30 për qind e banorëve të Prishtinës dhe krejt Hajvalia, Graçanica, Kishnica e Veterniku u furnizuan me ujë nga ky liqen. Në mars, uji ka arritur nivelin maksimal.^[5] Liqeni i Badocit po ashtu është i rëndësishëm për ekonominë e fshatrave përreth. Vizitohet shpesh nga peshkatarët dhe gjatë verës ka njerëz që ndalojnë këtu për pak pushime.^{[6] [7] [8]}

• 
  Pamje e digës së liqenit
• 
  Ura mbi Badovc
• 
  Një pjesë e Badovcit
• 
  Badovci nga larg

• Liqenet e Kosoves
• Liqeni i Mitrovicës
• Liqeni i Batllavës