Syri i kaltër, Delvinë
- "Syri i Kaltër" përcjellohet këtu. Për përdorime të tjera, shiko Syri i kaltër, Delvinë (kthjellim) dhe Syri i Kaltër (kthjellim).
Syri i Kaltër është një burim uji, dukuri natyrore dhe vend turistik i shpallur monument i natyrës, që ndodhet në fshatin Muzinë të Rrethit e Delvinës, pranë rrugës nacionale Delvinë – Gjirokastër, në jug të Shqipërisë.[1]
Përshkrimi
Syri i Kaltër është një burim me origjinë karakteristike nga Mali i Gjerë. Është burim me ujëra të freskëta dhe të ëmbla i rrethuar me bimësi të dendur dhe me gjelbërim të përhershëm. Ka një thellësi më shumë se pesëdhjetë metra. Disa zhytës kanë zbritur deri më pesëdhjetë metra, por është ende e paqartë se cila është thellësia e saktë e vrimës karstike.[2] Nga thellësia e burimit dhe veçantia e vrimës karstike uji merr ngjyrën e kaltër nën rrezet e diellit.
Syri i Kaltër njihet edhe si 'Burim i Bistricës' pasi është burimi fillestar i ujit të lumit të Bistricës, i gjatë 25 km, i cili përfundon në Detin Jon në jug të Sarandës.[3] Burimi qëndron në një lartësi prej 152 m dhe ka një shkallë shkarkimi prej 18 400 l/s.[4]
Zona rrethanore me 1.8 km, është një monument i natyrës dhe karakterizohet nga pemë lisi dhe panje.[5] Në verën e vitit 2004, burimi u tha përkohësisht.
Referim
Lidhje të jashtme
Commons: Syri i kalter – Album me fotografi dhe/apo video dhe materiale multimediale