Yuto Nagatomo

Vitet e para

Nagatomo filloi të luaj futboll në kopësht dhe ishte lojtar i mirë gjatë ditëve të shkollës, por kur u bë 20 vjeç, ai u bë i panjohur në komunitetin futbollistik të Japonisë. Kur ishte 12 vjeç, ai u përpoq shumë për tu bashkuar me skuadrën e të rinjëve të Ehime F.C., por dështoi dhe vazhdoi të luante në shkollën e tij.

FC Tokyo

Cesena

Më 10 korrik 2010, Nagatomo u ble nga klubi italian i Serie A, Cesena, me të cilën ai luajti në gjysmën e parë të sezonit 2010–11 si lojtar titullar në krahun e majtë të mbrojtjes.^[3][4] Përpara nisjes në Itali, Nagatomo mbajti një fjalim përpara 25,000 mijë tifozëve para fillimit të ndeshjes kundër Vissel Kobe më 17 korrik 2010.

Internazionale

Falë paraqitjeve të tij mbreslënëse te Cesena dhe Japonia në Kupën Aziatike 2011, Nagatomo u ble përfundimisht nga Interi në merkaton dimërore në janar 2011, duke u bërë lojtari i parë aziatik i klubit.^[5] Cesena mori si shkëmbim mbrojtësin italian Davide Santon, i cili huazua deri në fund të sezonit.^[6][7]

Sezoni 2010–11

Nagatomo mori fanellën me numrin 55 dhe bëri debutimin e tij me ekipin më 6 shkurt në ndeshjen e kampionatit kundër Romës, ku ai zëvëndësoi holandezin Wesley Sneijder në pjesën e dytë me Interin që fitoi 5–3.^[8] Ai luajti ndeshjen e parë si titullar dhjetë ditë më pas në fitoren 2–1 kundër Fiorentinës në shtëpi.^[9] Më 6 mars, Nagatomo regjistroi golin e tij të parë me Zikaltrit në një fitore 5–2 me Genoën në San Siro.^[10]

Më 15 mars 2011, për të treguar solidaritet për vendin e tij pas tërmertit dhe tsunamit katastrofal që kishte ndodhur javën e kaluar, ai vendosi një flamur japonez (me mbishkrimin "You'll Never Walk Alone" [Ju kurrë nuk do të ecni vetëm], një thirrje e ish skuadrës së tij në Tokjo, në fushën e Allianz Arena në ndeshjen e raundit të 16-tave të Ligës së Kampioneve kundër gjermanëve të Bayern München.^[11] Ai u aktivizua si zëvëndësues në këtë ndeshje, duke bërë edhe debutimin e tij në këtë kompeticion, me Interin që fitoi 3–2 dhe u kualifikua në çerek-finale falë rregullit të golit jashtë fushe.^[12] Pas përfundimit të sezonit, Interi arriti marrëveshje me Cesenën për blerjen përfundimtare të Nagatomos dhe si shkëmbim ata do të merrnin para, Megjithatë, Cesena mori si shkëmbim edhe kartonët e lojtarëve Luca Garritano (700,000 €) dhe Luca Caldirola.

Sezoni 2011–12

Nagatomo e nisi sezonin 2011–12 duke luajtur 62 minuta në ndeshjen e parë të sezonit në Seria A ku Inter u mposht nga Palermo me rezultatin 4–3.^[13] Më 27 shtator, ai asistoi për herë të parë në Ligën e Kampioneve në një fitore 3–2 në Moskë kundër CSKA-së në fazën e grupeve.^[14] Goli i tij i parë i sezonit erdhi më 10 dhjetor në fitoren 2–1 në shtëpi kundër Fiorentinës në javën e 15të të Serie A, e cila u pasua nga një tjetër gol tre ditë më vonë në një fitore minimale 1–0 në transfertë kundër Genoas.^[15][16] Interi e mbylli vitin 2011 me një fitore komode 4–1 kundër Lecces, ku Nagatomo ishte protagonist me dy asiste.^[17]

Më 11 prill 2012, Nagatomo fitoi një penallti e cila u shënua në gol nga Diego Milito në fitoren 2–1 kundër Sienës në San Siro.^[18] Ai e mbylli sezonin me 43 paraqitje në të gjitha kompeticionet, përshirë 35 në Serie A, ku Interi u rendit në vendin e gjashtë me 58 pikë duke mos u kualfikuar për herë të parë në Ligën e Kampioneve pas dhjetë vitesh.

Sezoni 2012–13

Inter e nisi sezonin e ri në fazën play-off të Ligës së Evropës ku u përballën me klubin kroat Hajduk Split. Në ndeshjen e parë në Stadion Poljud, Nagatomo shënoi një nga golat e fitores 3–0 të Zikaltërve.^[19] Në ndeshjen e javës së dytë të fazës së grupeve të kompeticionit, Nagatomo regjistroi golin e dytë të sezonit në barazimin 2–2 në shtëpi kundër Rubin Kazan; goli i tij erdhi në minutën e 92të.^[20] Më 7 tetor 2012, Nagatomo u ndëshkua me karton të kuq për herë të parë si lojtar i Interit në derbin kundër Milanit, duke u përjashtuar në minutën e 48të pasi mori kartonin e dytë të verdhë për një prekje të topit me dorë; megjithatë, Interi fitoi 1–0.^[21] Më 3 nëntor, Nagatomo ishte progatonist në ndeshjen ndaj Juventusit duke asistuar golin e tretë të ekipit të tij të shënuar nga Palacio; Interi fitoi 3–1 në transfertë duke i shkaktuar vendasve humbjen e parë vendasve në stadiumin e ri pas 49 ndeshjesh.^[22][23] Kjo fitore e dërgoi Interin në vendin e dytë me vetëm një pikë më pak se Juventusi, megjithatë ekipi pësoi rënje duke marrë vetëm një pikë në tre ndeshjet e rradhës, gjë që lejoi Juventusin të shkëputej sërisht.

Më 5 janar 2014, Nagatomo firmosi një kontratë të re dy-vjeçare me klubin.^[24] Më 14 prill, gjatë humbjes 2–0 në transfertë kundër Cagliarit, Nagatomo pësoi një dëmtim duke ndrydhur kaviljen e majtë. Kjo gjë bëri që ai të humbiste pjesën e mbetur të sezonit.^[25] Ai e mbylli sezonin e tretë në Milano me 35 paraqitje në të gjitha kompeticionet, me 25 prej tyre në Serie A, dhe me dy gola, me Interin që zhvilloi një nga sezonet më negativë në historinë e tyre.^[26]

Sezoni 2013–14

Nagatomo nisi sezonin e katërt me Interin duke shënuar golin e parë të fitores 2–0 kundër Genoas më 25 gusht 2013 në ndeshjen e parë të sezonit 2013–14 në Serie A.^[27] Ai e gjeti sërisht rrugën e rrjetën në ndeshjen e javës së dytë ku Interi fitoi 3–0 kundër Catanias në transfertë.^[28] Më 22 shtator, ai regjistroi asistin e parë sezonal në suksesin rekord 7–0 kundër ekipit të sapongjitur Sassuolos.^[29]

Në nëntor, Nagatomo shënoi në fitoren 2–0 kundër Livornos,^[30] e cila u pasua nga një tjetër gol në dhjetor në humbjen 4–2 në Stadio San Paolo kundër Napolit,^[31] si dhe kontriboi në fitoren 1–0 në derbi kundër Milanit në ndeshjen e fundit të vitit.^[32] Nën drejtimin e trajnerit Walter Mazzarri, Nagatomo shijoi sezonin e tij më produktiv, duke regjistruar pesë gola dhe gjashtë asiste në kampionat ku Interi u rendit në vendin e katërt.

Sezoni 2014–15

Kupa e Botës 2010

Kupa e Azisë 2011

Kupa e Konfederatave 2013

Kupa e Botës 2014

Nagatomo ka lindur në Saijō, Ehime më 12 shtator 1986. Gjyshi i tij, Yoshida Tatsuo dhe vëllai i gjyshit të tij Minoru kanë qënë çiklistë të famshëm profesionistë ku konkuronin në Keirin.

Klube

Redaktuar më 28 dhjetor 2019^[33][2]

Kombëtarja

Shteti

Skuadra

Personale

• Profili te ESPN^{[lidhje e vdekur]}