Michał Stawiński
 | Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
Michał Stawiński (nar. 29 września 1977) – ślōnski muzyk, spiywŏk i ôsoba telewizyjnŏ.
| Michał Stawiński | |
 Michał Stawiński na Przistōnku Woodstock 2016 | |
| Data a plac rodzyniyŏ | 29 września 1977 |
| Przidōmek | Mody |
| Fach | spiywŏk |
| Czas aktywnŏściy | ôd 2008 |
Biografijŏ
W 2008 założōł kapela Oberschlesien. Podyjmnōł spōłpracã z szlagcojgistõ Marcelem Różankõ, hned niyskorzij skłŏd kapele dopołniyli basista Wojciech Jasielski, gitarziści Adam Jurczyński i Jacek Krok jak tyż klawiszowiec Mateusz Buhl[1]. W rōmach prōmocyje kapele poza Ślōnskym Michał Stawiński za jego reprezyntant wziōn udzioł w drugij edycyji programu X Factor, w kerym po przejściu precastingōw i castingōw w Zŏbrzu dotrzoł do finałowych ôdpytōnkōw w Warszawie[2].
W mŏju 2014 zagroł w filmu Ostatni strzał, kery wygroł zôrganizowanõ w Katowicach drugõ edycyjõ festiwalu 48 Hour Film Project[3].
W 2017 ôdszoł z Oberschlesien i założōł nowŏ kapele – NeuOberschlesien[4].
12 września 2018 roku gitarzysta Tomasz Andrzejewski zamieściōł na Facebooku wpis, w kerym stwiyrdziōł, iże kapela NeuOberschlesien przestoł być, za co uwŏżność pōnosi „lider”. Przidoł w nim tyż, iże dalsze funkcjōniyrowanie kapele niy było możliwe w sytuacyji, kej „jego bazowy strzōn mŏ niyprzileżytości sōm ze sobōm”[5]. Tego samego dnia na Facebooku ukŏzało sie tyż spōlne poświadczynie czōnkōw grupy, w kerym poinformiyrowali ôni, iże podyjmli decyzyjõ ô abszlusie działalności kapele skirz „spraw ôsobistych wokalisty”, co snŏdź ôdnosiyło sie do zaangażowaniŏ Michała Stawińskiego w robotã jurora w ymitowanym na Polsacie programie Śpiewajmy razem. All Together Now[6].