Маҳима Чаудҳарӣ

Маҳима Чаудҳарӣ 13 сентябри соли 1973 дар Дарҷилинги Ҳиндустон ба дунё омадааст. Ӯ мактаби Dow Hill-и Курсеонги Дарҷилинг-ро хатм намудааст. Маҳима маълумоти олиро бо дараҷаи бакалавр дар коллеҷи Лорето гирифтааст, аммо ӯ бо ихтисоси худ кор накардааст^[2]. Ҳунарпешаҳои дӯстдоштааш Шоҳруххон ва Ҷуҳӣ Чавла мебошанд.

Ҳаёти шахсӣ

Чаудҳарӣ бо тенисисти машҳур Леандер Паес робитаи ошиқона доштанд вале пас аз хиёнати Леандер бо Риа Пилаӣ модел, онҳо ҷудо шуданд^[3]. Маҳима Чаудҳарӣ моҳи ноябри соли 2006 бо Боббӣ Мукҳерҷӣ ба шавҳар баромадааст. Онҳо дар Лос-Вегас шинос шудаанд, Боббӣ дӯсти наздики бародари Маҳима аст. Шавҳари Маҳима меъмор мебошад^[4]. Маҳима ҳамсари дуюми Боббӣ ба ҳисоб рафта, Боббӣ аз завҷаи аввалааш ҷудо шудааст ва ду фарзанд дорад. Маҳима ва Боббӣ бо анъанаи ҳиндуӣ ақд кардаанд.^[5]10 июн и соли 2007 ин ҷуфт соҳиби духтарчае бо номи Арян гаштанд^[6].

Ӯ дар озмоиши барои филми Умедҳои фиребхурда (англ. Pardes) иштирок намуда аз байни 3000 нафар нақш аз они ӯ мешавад, ки ин филм соли 1997 ба навор гирифта шуд. Дар филм ӯ бо шоҳи Болливуд Шоҳруххон нақш бозидааст. Филм хело муваффақ шуд, ки ҷоизаҳои бисёреро бурд намуд ва Маҳима ҷоизаи Filmfare Awards-ро барои Беҳтарин Нақш ба даст овард^[7]. Баъди бозидани ин филм ӯро ба бисёр филмҳои дигаре даъват намуданд. Нақшҳои дигари ӯ дар филми Омӯрзиш (англ. Daag: The Fire, 1999) буд, ки ӯ ду нақшро бозидааст ва дар дар филми Муҳаббат бозича нест (англ. Pyaar Koi Khel Nahin 1999), нақши бевазанеро мебозад, ки маҷбур мешавад ба бародари шавҳараш ба шавҳар мебарояд ва Маҳима аз иҷрои ин нақш ба хубӣ баромадааст; дар филми Тапиши дил (англ.  Dhadkan, 2000) ӯ нақши дуюмдараҷаро бозидааст, дар филм ба шахсе ошиқ мешавад, ки мард зани дегараро дӯст медорад; дар филми Иваз (англ. Deewane) нақши сарояндаро мебозад ва ошиқи ғоратгаре аст; дар Қатънашаванда (англ. Kurukshetra) нақши ҳамсари якрави полисро дорад; дар Гуреза (англ. Lajja) нақши арӯси ҷавонро меофарад, ки бо гаронии қалини маросими тӯй мубориза мебарад. Инчунин дар филмҳои Иҷоранишини ҷаззоб (англ. Yeh Teraa Ghar Yeh Meraa Ghar 2001), Бемории рӯҳӣ(англ. Om Jai Jagadish 2002),Ба ман танҳо муҳаббат лозим аст (англ. Dil Hai Tumhaara 2002), Ишқ бар намегардад (англ. Dobara 2004) ва ғайраҳо аз уҳдаи нақш ба хубӣ баромадааст.

Маҳима бо бисёр ҳунарпешаҳои машҳури Ҳиндустон аз қабили: Каҷол, Шилпа Шеттӣ, Амиша Пател, Урмила Матондкар, Маниша Коирала, Равина Тандон, Рекҳа, Ҳема Малинӣ, Притӣ Зинта ва Табу ҳамкори кардааст.

Соли 2010 дар филми Асад Раҷа бо номи (англ. Pusher) бо ҳунарпешаи ширинкор Манӣ Лиақат нақш бозидааст. Маҳима инчунин дар триллери (англ. Mumbhaii - The Gangster 2015) бо Санҷай Капур ва Ом Пурӣ ҳунарнамоӣ кардааст.Соли 2016 дар филми Шоколади сиёҳ (англ. Dark Chocolate ) дар нақши антагонист бозидааст.

Маҳима Чаудҳарӣ дар барнома - озмуни Чипта ба Болливуд (англ. Ticket to Bollywood ) аз 17 марти 2014 то 6 июни 2014 аъзои ҳакамон буд^[8].

Filmfare Awards

• 1998 — Filmfare Award барои беҳтарин ва аввалин нақши занона (Умедҳои фиребхурда) — ғолиб ^[9]
• 1998 — Filmfare Award беҳтарин нақши занона (Умедҳои фиребхурда) — номзад^[10]
• 1999 — Filmfare Award беҳтарин нақши занонаи дуюмдараҷа (Как же быть сердцу) — номзад^[11]
• 2001 — барои беҳтарин нақши занонаи дуюмдараҷа. (Тапиши дил) — номзад^[12]

Zee Cine Awards

• 1998 — барои беҳтарин аввалин нақши занона(Умедҳои фиребхурда) — ғолиб ^[13]
• 2005 — барои беҳтарин нақши занонаи дуюмдараҷа (Муҳаббатро баргардонида намешавад) — номзад^[14]

Феҳристи ҳунарпешаҳои (актрисаҳо) Ҳиндустон

• mahimachaudhrym Mahima Chaudhry дар «Твиттер»