محمود آفندی

محمود آفندی ضلع اوف کے گاؤں مکو(اب تیوشانلی) میں ایک گاؤں کے امام کے ہاں پیدا ہوئے تھے۔ وہ 10 سال کی عمر میں اپنے والد کے زیر سایہ حافظ بن گئے اور 16 سال کی عمر میں اپنا اجازہ حاصل کرتے ہوئے مدرسہ کی تعلیم جاری رکھی۔ اس کے بعد انھوں نے اپنی چچا زاد سے شادی کی اور امام مسجد کے فرائض انجام دیے۔ ^[3]

1952ء میں، محمود آفندی سے احسکاعلیٰ حیدر آفندی (گربزلر) سے ملاقات ہوئی، جو ایک نقشبندی شیخ تھے وہ ان کے مرشد بن گئے۔ علی حیدر آفندی نے انھیں 1954ء میں اسماعیل آغا مسجد ^[4] کا امام مقرر کیا۔ جہاں وہ سال 1996ء تک امام رہے، 1960ء میں علی حیدر آفندی کے انتقال کے بعد محمود آفندی کی زندگی میں سب سے بڑا موڑ آیا اور وہ اس طریقت کے رہنما بن گئے۔ 1996ء میں، وہ اسماعیل آغا مسجد کے امام کی حیثیت سے ریٹائر ہوئے۔^[4]

محمود آفندی نے آنے والے سالوں میں، خاص طور پر 1997ء کے میمورنڈم کے بعد، تنہائی میں رہنے کی کوشش کی، لیکن طریقت میں اندرونی جھگڑوں کے ایک سلسلے کی وجہ سے ان کے تعلقات عوامی سطح پر آگئے۔ ان کے داماد خضر علی مراد اوغلو کو 1998ء میں قتل کر دیا گیا تھا اور 2006ء میں ایک امام بیرم علی اوزترک کو مسجد میں قتل کر دیا گیا تھا اور جس شخص نے انھیں چاقو مار کر قتل کیا تھا اسے جماعت نے بلوے میں قتل کر دیا تھا۔^[5][6][7]

رجب طیب ایردوان محمود آفندی کے ساتھ قریبی تعلقات برقرار رکھنے کے لیے جانے جاتے ہیں۔^[8] ایردوان نے 2014ء میں صدارتی انتخابات سے ایک رات قبل محمود آفندی (استادعثمان اوغلو) کی خانقاہ کا انتہائی مشہور دورہ کیا۔^[9]

محمود آفندی 23 جون 2022ء کو انفیکشن کی وجہ سے استنبول کے ہسپتال میں داخل ہونے کے دو ہفتے بعد انتقال کر گئے۔^[10]نمازہ جنازہ بعد نماز جمعہ مسجد فتح استنبول میں ادا کی گئی۔