Ferdinand de Saussure
Idintité | |
Veur no | Ferdinand de Saussure |
Nexhance | - 26 di nôvimbe 1857 - Genève (Swisse) |
Moraedje | - 22 d' fevrî 1913 - Vufflens-le-Château (Swisse) |
Nåcionalité | Swisse |
Ferdinand de Saussure esteut on rîlomé linwicieus. Il est rwaitî come estant 'l ahiveu del modiene linwistike. C' esteut on linwicieus då corant do structuralisse.
Ovraedje
"Cours de linguistique générale"
Li Cours de linguistique générale ([WA] Luçon di djenerale linwistike) est on live k' a vudî e 1916, dj' ô bén troes ans padri 'l moraedje di Saussure. Èç ovraedje a stî vudî på ses studiants.
Rîles d' opôzucion
Opôzucion "Signifiant-Signifié"
Li Signifiant ([WA] Rimant) est 'l acoustike imaedje, dj' ô bén 'l cogne då mo. Metans : li mo tchivå. Li Signifiant d' èç mo sereut 'l fonetike : [ʧi.'vɔ][2]. Mins nerén, po les lingaedjes des senes, li Signifiant sereut les mouvmints des mwins eyet des doets.
Li Signifié ([WA] Rimé) est ene atuze. Todi metans : li mot tchivå. Li Signifié d' èç mo sereut ci k' on s' imådjine e 's tiesse cwand on èç mo.
Opôzucion "Langue-Parole"
Li Langue ([WA/Literå] Lingaedje ; [WA/Nén-Literå] Linwistike sistinme) est on sistinme k' est kimon a ene kiminålté djåzant èç lingaedje. Li Langue est rwaitî come estant 'l atuzêye , l' eshonna des rîles.
Li Parole ([WA/Literå] Parole ; [WA/Nén-Literå] Uzaedje do linwistike sistinme) est 'l uzaedje do linwistike sistime, ça vout dire ki c' est comint les djins djåznut : s' is des fåtes u nén, etcetera.
Opôzucion "Synchronie-Diachronie"
Li Synchronie est 'l corwaitaedje d' on lingaedje u d' ene miete do lingaedje a on moumint diné.
Li Diachronie est 'l corwaitaedje d' on lingaedje u d' ene miete do lingaedje pindant on trevén.