No di dmorant

Loukîz eto a Djivêye des nos di dmorants des viyaedjes del Walonreye.

Li no di dmorant (on dit eto : no di dmanant), c' est l' no des djins ki dmorèt dins on hamtea, on viyaedje, ene veye, ene contrêye, on payis, on continint.

Li no di dmorant si fwait tot-z acawant ene cawete å no del plaece. Ci n' est nén totavå l' minme.

Li no di dmorant est diferin do såvadje no des dmorants. Ci-cial n' a nou loyén avou l' no do viyaedje.

E walon, gn a bråmint des viyaedjes ki n' ont pont d' no di dmorant foirt corant.

Cawetes sovint eployeyes

li cawete -î, ki l' femrin, c' est l' cawete -resse, kécfeye -ire.
li cawete -urlin (femrin -urlinne), foirt coinrece, et ki vént do tîxhon.
les cawetes -idjot et -inot (femrins "-idjote" & "-inote"), coinreces eto.
li cawete -ai est kécfeye on calcaedje del cawete francèsse -ais.
li cawete -wès, li pus corante, mins rissintowe co rade come on francijha del cawete francesse -ois.
li cawete -yin, calkêye do francès, purade po les payis et les continints : Parizyin, Oucrinnyin
li dobe cawete -iyin, li cene di dvant rimetowe so ene cawete -ey -eye ou -êye.

Candjmint do coron do bodje

Padecô, gn a on rcomprindaedje do coron do no do viyaedje

Coirnimont => Coirnibotai
Tchîplane => Tchîpurnai
Palijhoû => Palijhotai

Emantchaedjes savants

E francès, sacwants no di dmorants sont fwaits pal voye d' on retcherpintaedje savant do no do viyaedje :

Heure-le-Romain Eure-li-Romin => Romanhoriens
Aiwêye => Aqualiens (Aiwêyîs)
Cambron-Castea => Castelcambroniens
Tî-Tchestea => Thyriocastelloritain^[1]

Ricwereus so les nos di dmorants walons des viyaedjes del Walonreye

Jean Haust, k' endè mete sacwants dins si live so les nos d' plaeces del Walonreye.
Albert Doppagne
Jean Germain

Alére

A. Doppagne Enquête sur le gentilé et le blason populaire des communes wallonnes, les Dialectes belgo-romans, 1948, 4, pp 157-176.

Hårdêye divintrinne

Djivêye des nos di dmorants des viyaedjes del Walonreye

Sourdants et pî-notes

Commons

I gn a so les cmons Wikipedia des imådjes ou fitchîs son a vey avou les nos di dmorant e walon .

[1]

Search