我个世界中国版
《我个世界中国版》（英语：Minecraft: China），是网易代理、勒拉中国大陆独家运营个Minecraft（我的世界）个版本[1]，2017年开始公测[2]。
历史
2016年5月20号，网易游戏年度发布会浪，网易宣布代理Minecraft（我个世界）[3]。
2017年4月7号，网易游戏《我个世界》发布会勒拉北京国家游泳中心（水立方）进行。箇趟发布会是《我个世界》中国版个头一趟出现，Mojang、微软搭网易三方代表一道出席发布会，还有交交关关国内知名个开发者、视频主、玩家等参加箇趟活动[4]。
2017年4月10号，《我个世界》中国版开始小规模技术测试[5]。
2017年5月20号，网易正式宣布Hypixel服务器进入中国[6]。
2017年7月14号，PC Java版开始限号弗删档测试。 Hypixel服务器同步上线[7][8]。
2017年9月15号，中国版手机端勒拉App Store上线[9]。
2017年10月12号，中国版安卓版开始公测[10]。
2018年3月14号，开发者平台上线[11]。
2019年5月16日，按照网易公司个2019年第一季度财报，《我个世界》中国版个累积注册用户数量已经超过2個亿[12]。
2019年11月9号，《我的世界》2019开发者大会勒拉中国广东佛山举办[13]。
2020年4月5号，《我的世界》发布科普防疫玩法，推出一批致敬医护人员个游戏内容[14]。
2020年4月13号，《我的世界》中国版发布公告，Hypixel中国版服务器会得勒拉2020年6月30号停止运营[15]。
影响搭争议
涉黄
2019年4月12号，中国中央电视台报道讲，勒拉《我的世界》中国版个“联机房间”里向，有星低俗色情个内容[16]。
2019年5月7号，上海市互联网信息办公室发布消息，上海市文化市场行政执法总队按照《网络出版服务管理规定》，对《我的世界》中国大陆游戏运营方网易公司行政处罚[17]。目前，《我的世界》中国版运营团队讲，游戏已经进行对应个整改，弗会得让箇种事体再一趟发生[18]。
敏感词审查
《我的世界》中国版会得对游戏里个敏感词进行审查搭屏蔽，审查范围包括房间名、用户名、游戏内文字、激活码，用xx调脱箇些敏感词。箇能介个后果，让指令里向个“草方块”箇种带敏感词个专有名词也用弗了[19][20]。