苗瑶语

苗瑶语是苗、瑶、畲族群所操、有得共同来源个一眼语言个总称，好分苗、畲、瑶三隻语支。中国搭著华裔学者多数拿渠看作汉藏语系个一隻语族，欧美学者拿渠看作澳泰语系个一隻语族或者独立个语系。

勉语代表瑶语支，湘西、黔东苗语代表苗语支，算渠拉是两端罢。川黔滇苗语、炯奈语、优诺语、布努语、唔奈语从声母演化出发搭从基本词汇出发，归苗归瑶、亲疏关系推扳交关。畲语语音、语法接近勉语，基本词汇接近苗语，归属一径有得争议。蛮晏发现个巴那语算是汉化顶结棍个，外加有眼搭苗、瑶、畲、汉侪不同源个基本词。