2024年4月花莲地震
2024年4月3号早浪向7点58分09秒,台湾花莲县近海发生逆冲地震,持续近一分钟,台湾全岛侪有明显摇晃;勒拉中国大陆,福建、广东、浙江、上海、安徽等地亦有明显地震个感觉;勒拉日本,八重山群岛浪震感强烈。据中央气象署个观测资料,震中勒拉北纬23.77度、东经121.66度,震级达到ML 7.2级(矩震级达到MW 7.4级),震源深度15.5千米,花莲县秀林乡和平村观测到中央气象署地震分级最大烈度6强搭仔麦加利地震烈度表8(VIII)度[1]。
截至2024年4月6号下半天3点钟,箇趟地震勒拉台湾已造成13人故脱、1145人受伤、405人留置搭仔6人失踪[2],另外有多栋房房子倒下来或者躺拉地浪向。
另外,中央气象署[3]、中华人民共和国自然资源部海啸预警中心[4][5][6][7]、香港天文台[8]、日本气象厅[9][10][11]、菲律宾火山暨地震研究所[12][13]咾啥个侪发布海啸警报,当地辰光9点12分,宜兰县头城镇乌石渔港测出海啸最大波幅有82公分[14]。
参考
外部链接
维基共享资源里向寻得着搭该篇文章搭界个多媒体资源:
- 花蓮縣政府花蓮0403地震資訊專區
- 台灣中央通訊社403花蓮地震新聞專題
- 嚴文廷; 柯皓翔; 許詩愷 (2024-04-03). "規模7.2的403花蓮地震10死逾千傷、逆衝斷層向北破裂,3天內慎防較大餘震". 報導者. Retrieved 2024-04-05.