ვახაუ

ვახაუ (გერმ. Wachau) — ლეხერი ავსტრიას, თუდოლენი ავსტრიაშ ფედერაციულ აკანს, წყარმალუ დუნაიშ გოჸუნაფას. წჷმარინუანს ავსტრიაშ გაბარეფიშ უთარაშ ტურისტული დოშანილობაშ აბანს. იდვალუაფჷ ნოღა მელკის დო კრემსის შქას. ლეხერიშ სიგჷრძა 40 კმ რე, თინა დიო ხოლო პრეისტორიულ ხანას ჸოფე დოხორელი. ტურისტეფს შქას არძაშე პოპულარული აბანიე დურნშტაინი, სოდეთ ინგლისიშ მაფა რიჩარდ ნჯილოშგურამი ჭოფჷ ავსტრიაშ ჰერცოგ ლეოპოლდ V-ქ.

ვახაუშ კულტურული ლანდშაფტი*
იუნესკოშ მოსოფელიშ მონძალაშ ობიექტი
ქიანა	ავსტრია
ტიპი	კულტურული
კრიტერიუმეფი	ii, iv
ერკებული	იუნესკოშ ერკებული
რეგიონი**	ევროპა
კოორდინატეფი	48.364444,15.43416748°21′52″ ოორ. გ. 15°26′03″ ელ. გ. / 
კათაფაშ ისტორია
კათაფა	2000  (24-ა სესია)
* ქძ. ინგლ. ჯოხო UNESCO-შ ერკებულს. ** იუნესკოშით კლასიფიცირაფილი რეგიონი.

მოსოფელიშ მონძალა UNESCO, ობიექტი № 970 რუს. • ინგლ. • ფრ.

ლეხერს მიარე უჯვეშაში მონასტერი, ჯიხაზურგა დო აკნაცჷმეფიე, ნამუეფით აკოწყორილიე ნოღეფწკჷმა დო ოფუტეეფწკჷმა. ხოლო გაშენებულიე ობინეხეეფი, წჷმარინუანს შანულამ ოფუტეშ მეურნობაშ ცენტრის.

2000 წანას, იუნესკოს „ვახაუშ კულტურული ლანდშაფტი“ მუში არქიტექტურული დო აგრონომიული ისტორიაშ გეშა მოსოფელიშ მონძალაშ ობიექტეფიშ ერკებულშა გემშეღჷ.