კორნელიშ უნივერსიტეტი

კორნელიშ უნივერსიტეტი (ინგლ. Cornell University) რე კერძო, აივი ლიგაშ მაკათური უნივერსიტეტი, ნიუ-იორკიშ შტატიშ ნოღა ითაკას. უნივერსიტეტი 1865 წანას დარსხუეს ამერიკალ ბიზნესმენიქ, პოლიტიკოსიქ, ფილანთროპიქ ეზრა კორნელიქ დო ამერიკალ ისტორიკოსიქ ენდრიუ დიკსონ უაიტიქ. უნივერსიტეტიშ დუმარსხუაფალეფს ოკოდეს თიცალ ინსტიტუტიშ დორსხუაფა სოდეთ შილებედჷ გონათაფაშ მეღება მენცარობაშ არძო დარგის. კორნელიშ უნივერსიტეტი გორთილი რე შხვადოშხვა კოლეჯეფო. უნივერსიტეტიშ კამპუსი იდვალუაფჷ ნიუ-იორკის. უნივერსიტეტის უღჷ კამპუსი ყატარიშ ნოღა ედუქეიშენ-სიტის ხოლო. უნივერსიტეტიშ თარი კამპუსის, ნამუთ იდვალუაფჷ ითაკას, უკინებჷ 745 აკრიშ ტერიტორია. კორნელიშ ბოტანიკური ბაღეფიშ დო შხვა ხოლოშიან დგჷმილეფიშ მეძინელო კამპუსიშ ფართი 4,300 აკრიშე უმოსი რე. კორნელიშ უნივერსიტეტი რე ართ-ართი რეიტინგული დო პრესტიჟული უნივერსიტეტი ამერიკას. უნივერსიტეტიშ კურსნათებუეფი დო უნივერსიტეტიწკჷმა აფილირებულეფი, 2021 წანაშ ეკენიაშ მუნაჩემეფით, რდეს: ნობელიშ პრემიაშ 61 ლაურეატი, ტიურინგიშ პრემიაშ 4 ლაურეატი, ფილდსიშ მენდალიშ 1 ლაურეატი, ოლიმპიადეფიშ 63 მენდალისტი, 35 მილიარდერი, შხვადოშხვა პოლიტიკოსეფი, დიპლომატეფი, ინტელექტუალეფი დო შხვეფი.

კორნელიშ უნივერსიტეტი ინგლ. Cornell University
დირსხუ	1865
ტიპი	კერძო
ფონდეფი	$ 10.0 მლრდ. (2021)
წორომახანდე	1,639 – ითაკა, ნიუ-იორკი 1,235 – ნიუ-იორკი, ნიუ-იორკი 34 – დოჰა, ყატარი
კანცლერი	ჯიმ მალატრასი
პრეზიდენტი	მარტა ელიზაბეტ პოლაკი
პროვოსტი	მაიკლ კოტლიკოფი
სტუდენტი	25,593 (2021)
ორენი	ითაკა, ნიუ-იორკი, ააშ
საიტი	cornell.edu