სერგეი კოროლიოვი

სერგეი პავლეშ სქი კოროლიოვი (რუს. Сергей Павлович Королёв; დ. 12 ღურთუთა, 1907 [ჯვ. სტ. 30 ქირსეთუთა, 1906], ჟიტომირი, ვოლინიშ გუბერნია, რუსეთიშ იმპერია — ღ. 14 ღურთუთა, 1966, მოსკოვი, სსრრ) — რუსი აეროკოსმოსური სისტემეფიშ ინჟინერი, დიზაინერი დო მენცარი.

სერგეი კოროლიოვი
რუს. Сергей Павлович Королёв
კოროლიოვი 1934 წანას
დაბადებაშ თარიღი:	12 ღურთუთა, 1907
დაბადებაშ აბანი:	ჟიტომირი, ვოლინიშ გუბერნია, რუსეთიშ იმპერია
ღურაშ თარიღი:	ღურთუთა 14, 1966 (59 წანერი)
ღურაშ აბანი:	მოსკოვი, სსრრ
მენოღალობა:	რუსეთიშ იმპერია  სსრრ
ომენცარე სფერო:	აეროკოსმოსური ინჟინერია
ალმა-მატერი:	კიევიშ პოლიტექნიკური ინსტიტუტი ბაუმანიშ მოსკოვიშ სახენწჷფო ტექნიკური უნივერსიტეტი
ჯილდოეფი დო პრემიეფი:	საპატიო შანიშ ორდენი (1945) ლენინიშ ორდენი (1956, 1956, 1957) სოციალისტური ხანდაშ გერგეზი (1956, 1961) ლენინური პრემია (1971) სსრრ-შ მენცარობეფიშ აკადემიაშ მაკათური (1958)
ხეშმოჭარუა:

კოროლიოვიქ მიშეღჷ დიდი თია სსრრ-შ კოსმოსური პროგრამაშ გოვითარაფაშა, 1950-1960-იან წანეფს. თინა ოკათუდჷ რ-7-შ, სპუტნიკ-1-შ, სპუტნიკ-2-შ, სპუტნიკ-3-შ, ლუნა-2-შ, სპუტნიკ-5-შ, ვოსტოკ-1-შ, ვოსხოდ-1-შ დო ვოსხოდ-2-შ პროგრამეფს. კოროლიოვი მერჩქინელი რე პრაქტიკული კოსმონავტიკაშ მუმათ.

კოროლიოვი 1938-1944 წანეფს ჯიხას ხედჷ. ჯიხაშე გითულაშ უკული მუშენდჷ რაკეტული ტექნოლოგიეფიშ ინჟინერო დო რდჷ სსრრ-შ ინტერკონტინენტალური ბალისტიკური რაკეტეფიშ გოვითარაფაშ პროგრამაშ თარი ფიგურა. უკულიან პერიოდეფს კოროლიოვი ხემანჯღვერენდჷ სსრრ-შ კოსმოსური პროგრამას. კოროლიოვი რდჷ შხვადოშხვა პრემიეფიშ დო ჯილდოეფიშ ლაურეატი. 1958 წანას გიშაგორილქ იჸუ სსრრ-შ მენცარობეფიშ აკადემიაშ მაკათურო.