სკანდინავია
სკანდინავია — ისტორიული დო კულტურული რეგიონი ევროპას. ტერიტორიულო იკათუანს სკანდინავიაშ ჩქონს, იუტლანდიაშ ჩქონს დო არხოს მადვალუ კოკეფს. ტრადიციულ ენწყუმათ სკანდინავია რე სუმი სახენწჷფო: დანია, შვედეთი დო ნორვეგია. ომენცარე ლიტერატურას რეგიონს, ნამუთ სკანდინავიას დო ფინეთის იკათუანსჷნ, ფენოსკანდია ჯოხო.
.jpg)
 |
|---|
სკანდინავიაშ სერიეფიშ ნორთი რე |
| გეოგრაფია |
|
| ვიკინგეფიშ ერა |
|
| პოლიტიკა |
|
| ისტორია |
|
| შხვადოშხვა |
|
კანკალეშა სკანდინავიას თაშნეშე მიორხველუანა ფინეთის, ისლანდიას დო ფარერიშ კოკეფს. თე შვანს სკანდინავია ედომუშამ ოორუე ევროპას იკენს.
ჯოხოდვალაშ ეტიმოლოგია
ჯოხოდვალა სკანდინავია მოურს Scandinavia-შე, შქაოშწანურ ლათინურშე. კანკალე მარკვიალეფი კოროცხჷნა, ნამჷ-და თე ჯოხოდვალას გერმანულ გოჭყაფა უღჷ დო თის მიორხველანა პროტოგერმანულს *skadinaujo „კოკი სკადი“. შვედეთიშ ობჟათეშე მადვალუ ისტორიულ კუნთხუს ჯოხო სკონე (ლათ. Scania, შვედ. Skåne). ჯოხოდვალა სკონე ჯვეშისლანდიურ ნინაშა — Skaney, დჷმახასიათაფალ კომპონენტით -ey („კოკი“).
ისტორიულ-პოლიტიკური სტრუქტურა
| ოშწანურა | სკანდინავია დო ოორუე ევროპაშ შხვა ქიანეფი | |||||
| XXI | დანია (EU) | ფარერეფი | ისლანდია | ნორვეგია | შვედეთი (EU) | ფინეთი (EU) |
| XX | დანია | შვედეთი | ფინეთი | |||
| XIX | დანია | შვედეთი დო ნორვეგია | ფინეთიშ სათავადო | |||
| XVIII | დანია დო ნორვეგია | შვედეთი დო ფინეთი | ||||
| XVII | ||||||
| XVI | ||||||
| XV | კალმარიშ უნია | |||||
| XIV | დანია | ნორვეგია | შვედეთი დო ფინეთი | |||
| XIII | ||||||
| XII | ფარერეფი | ისლანდია | ნორვეგია | |||
| კათეფი | დანიარეფი | ფარერალეფი | ისლანდიარეფი | ნორვეგიარეფი | შვედეფი | ფინელეფი |
ნინეფი
სკანდინავიაშ ქიანეფიშ ნინეფი — შვედური, დანიური დო ნორვეგიული — მოურს საართო ჯვეშისლანდიურ ნინაშე დო ორხველჷ გერმანულ ნინეფიშ ბუნაშ ოორუე ნოჸელას. ნორვეგიულ დო დანიურ ნინეფიშ უმენტაში დიალექტი ართიანს მოგენს.
სკანდინავიაშ ოორუეშე ოხორანა ფინურ დო საამურ ნინეფშა მორაგადეეფი.
გეოგრაფია
სკანდინავიაშ გეოგრაფია მიარეფერუამი რე. სქვამი ნორვეგიული ფიორდეფი, სკანდინავიური გვალეფი, კირდეამი, ორზენუამი აკანეფით დანიას, შვედეთიშ დო ნორვეგიაშ არქიპელაგეფით. შვედეთის მიარე ტობა დო მორენა რე, ნამუთ ჸინუამი პერიოდიშ მონძალა რე.
თაშნეშე ქოძირით
რესურსეფი ინტერნეტის
