ლუი I ღორონთიელი
ლუი I ღორონთიელი (ლათ. Hludowicus Pius, გერმ. Ludwig der Fromme, ფრანგ. Louis le Pieux; დ. 778 — ღ. 20 მანგი, 840) — ფრანკეფიშ მაფა, კაროლინგეფიშ დინასტიაშ ართ-ართი შანულამი წჷმმარინაფალი, 813 წანაშე მუამუში კარლოს დიდიწკჷმა ართო საღორონთო რომიშ იმპერატორი. 781 წანაშე, თაშნეშე რდჷ აკვიტანიაშ მაფა ხოლო. კარლოს დიდიშ ღურაშ უკულ ლუი I-ქ გინირთჷ ფრანკეფიშ ხვალახე მამართალო.
| ლუი I ღორონთიელი ლათ. Hludowicus Pius გერმ. Ludwig der Fromme ფრანგ. Louis le Pieux | ||
 | ||
| კაროლინგეფიშ იმპერიაშ იმპერატორი | ||
|---|---|---|
| პოსტის გერინაშ ბორჯი | ||
| 813 – 840 | ||
| წიმოხონი | კარლოს დიდი | |
| მონძე | ლოთარ I | |
ფრანკეფიშ მაფა | ||
| პოსტის გერინაშ ბორჯი | ||
| 814 – 840 | ||
| წიმოხონი | კარლოს დიდი | |
| მონძე | ლოთარ I მუჭოთ ოშქაშე ფრანკეფიშ ომაფეშ მაფა; ლუდვიგ II გერმანალი მუჭოთ ბჟაეიოლი ფრანკეფიშ ომაფეშ მაფა; შარლ II მელოტი მუჭოთ ბჟადალი ფრანკეფიშ ომაფეშ მაფა | |
აკვიტანიაშ მაფა | ||
| პოსტის გერინაშ ბორჯი | ||
| 781 – 814 | ||
| წიმოხონი | კარლოს დიდი მუჭოთ ფრანკეფიშ მაფა | |
| მონძე | პიპინ I | |
| დუნაბადი | 778 შასენიუ-დიუ-პუატუ | |
| ნაღურა | 20 მანგი, 840 (61-62 წანერი) რაინიშ ინგელჰაიმი | |
| ნთხორუ აბანი | წიმინდე არნულფიშ ოაბატე | |
| მუმა | კარლოს დიდი | |
| ნანა | ჰილდეგარდა | |
| ალმასქუ | 1. ირმენგარდა 2. ჯუდითი | |
| სქუალეფი | ლოთარ I პიპინ I ლუდვიგ II გერმანალი გიზელა შარლ II მელოტი | |
| რელიგია | ქალკედონიური ქირსიანობა | |
აკვიტანიაშ მაფობაშ ბორჯის, ლუი I-შ ღანკი რდჷ ობჟათე-ბჟადალი სანძღოეფიშ თხილუა. 801 წანას, ლუიქ კორდობაშ საამიროს მიდუღუ ბარსელონა დო განძალიერჷ ფრანკეფიშ ხეშულობა პამპლონას დო ბასკეთის. იმპერატორობაშ პერიოდის, ლუიქ მუში სქუალეფი ლოთარი, პიპინი დო ლუდვიგი სახენწჷფო მართუალაშ პროცესეფიშა გემშეჸონჷ დო ოცადუდჷ თინეფს შქას ხეშულობაშ გორთუალას.
818 წანას ლუი I-შ მეხჷ ეარყჷ თიში ჯიმასკუაქ ბერნარდოქ. არყებაქ დემარცხჷ, ბერნარდო ოჭოფეს დო ლუი I-შ ზოჯალათ დაჸვერეს. ბერნარდოქ ჟირი დღაშ უკულ ტრაგიკულო დოღურუ. 830-იან წანეფიშე იმპერია ძალამს დადაღარჷ ომენოღალე ლიმეფქ ლუი I-შ სქუალეფს შქას. დგომარებაქ უმოსო გეუარეს მუჟამსჷთ ლუიქ მინდომუ მუში მონძეობაშა მაანთხა ქომოლსქუაშ შარლიშ მიშაჸონაფა. შარლი ლუის ჸუნდჷ მაჟირა ოსური ჯუდითიშე. ლუიშ მართუალაქ იშენ ჯგირუ ითუ, მეჭირინაფილქ იჸუ სტაბილურობაშა, მარა უკულ სტაბილიზაციაშ პერიოდის მაჸუნჷ სუმწანიანი ომენოღალე ლჷმაქ დო ფრანკეფიშ ომაფექ სუმი ზოხორინელი ნორთო (ოშქაშე ფრანკეფიშ ომაფე, ბჟაეიოლი ფრანკეფიშ ომაფე, ბჟადალი ფრანკეფიშ ომაფე) აკოცუ.
