Hoi2地球(或者一粒行星)表面裝住大量鹹水地形,多數連住大洋,當中鹹水係指濃度高過 3.5% 嘅-每 1 公升嘅鹹水就有超過 35 咁多嘅鹽喺裏面[註 1][1]。海同大洋相比更加細,有陸地去部份或者完全圍住四週。

安達曼-尼科巴群島哈夫洛島影嘅安達曼海
南丫島影嘅南海
大鵬半島西冲海灘影嘅南海

海覆蓋住地球大約 71% 嘅面積,而且深度不一:近陸地(地球表面冇俾水覆蓋嘅地方)嘅海好多時都好淺水,得嗰幾米深,但離陸地遠啲嘅海就可以深得好交關,例如位於太平洋西部嘅馬里亞納海溝(Mariana Trench)噉,馬里亞納海溝某啲地方據探測有成超過 10 公里咁深-相比之下,廣州周大福金融中心大約係 530 米咁高,即係話兩棟周大福金融中心疊埋一齊就大約係 1 公里多少少,而馬里亞納海溝嘅最高深度係呢個數值嘅大約 10 倍左右[2]

生命

海同海邊嘅環境特性往往都會對生物嘅生存同進化造成具體嘅影響。舉個例說明,海洋生物嘅一個出名特點係少兩棲類學名Amphibia)-兩棲類嘅例子有青蛙,呢個動物其中一個特性係啲皮膚有高嘅滲透性,容易俾水或者鹽等嘅物質通過,而通常係鹽會由鹽多嗰邊擴散過去鹽少嗰邊;噉即係話一旦隻兩棲類浸入鹹水,身體(鹽少嗰邊)就會勁俾海水(鹽多嗰邊)嘅鹽入侵;跟住呢樣嘢就會造成隻兩棲類動物體內鹽嘅濃度高得滯,並且搞到佢哋體內嘅化學過程失衡,最後引致死亡。因為噉,絕大多數嘅兩棲類都頂唔順鹹水[註 2],而自自然然海洋生物學啲研究對象基本上係冇兩棲類咁滯[3][4]。由呢個例子可見,海洋嘅環境會對生物造成某啲獨特-第啲環境唔會有-嘅挑戰。

註釋

睇埋