S

喺大約19世紀之前，細楷 s 曾經有兩種寫法，分別係字尾專用嘅 s 同唔係字尾用嘅 ſ，後者亦即係所謂 ｢長 s｣^[2]:326。ſ 同 f 好似，分別係 ſ 可以冇橫劃，或者如果有橫劃，嗰橫係唔穿嘅，但係 f 嗰橫就穿，情況類似 ｢上｣ 同 ｢土｣ 咁，只係 ｢上｣ 嘅橫劃喺右便，而 ｢ſ｣ 嘅橫劃就喺左便。

｢長 s｣ 而今gaa1基本上已經唔再用，但係存留咗喺德文，不過就唔係獨立字母，而係嵌入咗長短 s 嘅連結字 ß 入面，變咗個新嘅字母；個新字母左半部係長 s，右半係短 s^[3]:21。

國際音標有個同意大利體長 s（ ſ ）好似樣嘅符號，係代表清齦後擦音嘅 ʃ，但係爾個 ʃ 其實係另一個已經唔用嘅字母，並唔係長 s。