廣東話粗口

粵語嘅粗俗字詞
(學吓點樣同埋幾時去拎走呢個消息框)

粵語粗口係啲粵語嘅粗俗字詞,字義多數本身係性器官性行為或者人死傷。狹義上,只係得下節介紹嗰五個字,統統同性有關。

粗口未必一定用喺鬧人,有啲人講嘢會句句夾啲粗口落去,純粹習慣咗。同世界大多數地方一樣,粗口有時會令聽者難受,視講粗口者無家教、無教養。亂用粗口者稱之為爛口,粗口爛舌,把口講粗晒。講粗口喺大部分情況下都唔會犯法,但有啲地方禁止講粗口,例如喺港鐵處所入面講粗口會罰錢[1],喺醫院講嚴重更會犯官非,雖則執法判案都甚為罕見。廣播大多數情況,粗口都唔可以出街。

有啲人會專登玩弄粗口,以示其反叛一面,觸犯禁忌

廣東話粗口五字

由於粵文唔普及同文人用字忌諱等原因,有段好長嘅時間,冇乜人識得五個字嘅傳統寫法。有人造出新字嚟代表,而用門字加個讀落相似嘅簡單字嘅組合,特別流行,甚至喺1999年入澌香港政府嘅《香港增補字符集》[2][3],方便用喺電腦度。佢地俗稱「門氏五虎將」、「一門五傑」或者「粗口五傑」,分別係:

  • 𨳒,「門」裏面加「小」,本字係diu2
  • 𨳊,「門」裏面加「九」,本字係,常見假借字係gau1);
  • 𨶙,「門」裏面加「能」,本字係𡳞lan2),常見假借字係(個字原本嘅讀音係「nan2」,同本字有些微分別);
  • 𨳍,「門」裏面加「七」,正字可能係或者𡴶cat6)。
  • ,「門」裏面加「西」,本字係hai1[4]

用法

佢哋各意思同用法,每個都可以獨當一面,而且可以互相配搭或者交換用。例如:

  • 撚樣 - 鬧人樣似一副陽具,即「死人頭」,乞人憎或貶低對方嘅意思。
  • 柒撚懵懵 - 鬧人蠢鈍唔明事理,後來又出現搞笑押韻句嘅「柒撚懵懵食甜筒」。
  • 戇鳩鳩 - 都係鬧人蠢鈍唔明事理,戇直唔識變通轉彎。
  • 死閪佬-渣男或者係賤人

*死仆街

第啲粗俗嘢

有啲未至係歸入粗口,主要係咒人話或者粗口諧聲。佢哋無一門五傑咁露骨,都係用嚟鬧人或者發洩。有啲人都忌呢啲,但有啲唔當係粗言,完全無禁忌。

呢啲經已無禁忌:

  • 戇居,㞗諧音做居。話人
  • 條條揈,屌諧音做條,即屌屌揈,如同國語嘅屌兒啷噹。
  • 笨實,以前通常形容人[又笨又誠實]即係有啲蠢咁解,後來用個「柒」作諧音,更貼切地去形容嗰個廢人好似一條冇腦嘅J咁
  • 頂你個肺,屌諧音做頂,即屌你個閪。

有啲通到香港電檢處審查,喺一啲2B級或以下嘅電影入面出現,例如:

  • 仆街,咒人出街有意外。全寫應該係「仆街死」,忌諱「死」字而成「仆街」。係以前啲人認為橫死街頭嘅人係最悽涼。[未記出處或冇根據]
  • 冚家剷,咒人全家死。
  • 粉腸(係「撚樣」嘅諧音)[未記出處或冇根據]
  • 戇DOG(戇狗,係「戇[𨳊𨳊]」嘅諧音)
  • 屎忽鬼(屎窟鬼),以前多數話人同性戀,現時通常指陰險,狡詐,計較,搵著數,賤格。[未記出處或冇根據]
  • 你老母閪,閪讀音做喺(hai2)。話人生母、養母或後母嘅意思,即「你老母個閪」嘅簡短版。
  • 躝癱,咒人癱
  • 小喇叭(係「𨳒那媽」嘅諧音)
  • 你老闆(係你老味同你老母嘅諧音,多數喺電視劇用)
  • 柒頭(原意「個樣睇落陽具嘅傢伙」,指一個人面目可憎,柒下柒下戇𨳊𨳊)
  • diu,以粵拼代替(𨳒)字。成句係diu你老母(𨳒)你老母)。[未記出處或冇根據]
  • 茂利,即係賤種。

𨳒係陽具插閪嘅動作,屌係吊嘢嘅動作,而且發音有唔同。

粗口文化

爆粗係禁忌嘅話,人就諗啲計間接講粗口。

歇後語

  • 岸上嘅海鷗
頭尾兩個字係「岸」同「鷗」,「海鷗」英文作 seagull,gull同「㞗」近音,縮短咁讀即係諧音咗嘅「戇㞗」。
  • 亞婆跑步(又可以話「亞婆走佬」、「亞婆著草」)
歇後語即係「老都走/掹」,要即刻走佬、幾大都閃咁解。
  • 童子軍跳彈床
歇後語就係「Scout 彈」,直譯嘅粵語諧音就係「是旦」,屬於中西合璧嘅典範。
  • 夜觀星象
歇後語係「眺那星」,即係「那星」嘅諧音。
  • 唐餐變西餐
即係話「多嚿魚」,即係「多㞗餘」嘅諧音。
  • 法國大餐
亦都係解「多嚿魚」,諧音同上。
  • 風吹皇帝褲囊
皇帝乃孤家寡人,褲囊內藏皇帝嘅㞗,俾風吹會覺得凍(寒冷),即係話人哋「孤㞗寒」。
  • 救護車
2006年嘅香港電影《至尊無賴》其中一個英文詞語「Ambulance」,鄭中基將佢讀做「M部撚時」。[1]
  • 猩猩打飛機
歇後語係「玩撚猿」,即係「玩撚完」。
  • 老虎扯旗
歇後語係「伸㞗虎」,即係「辛㞗苦」嘅諧音。
  • 老鴇埋年
歇後語係「算㞗數」,老鴇即係妓女,指妓女到咗年尾做結算,算嘅係陽具(㞗)數。(鴇:音保/舉)
  • 太監讀神學
太監乃係閹人,讀神學或信耶穌有「得救」嘅意思,所以係解「無撚得救」。呢句最初係用嚟形容林瑞麟
  • 蕭春代
即燒毁男性生殖器,男人最痛[未記出處或冇根據]
  • 矮閪
即係話人好矮。
  • 國際機場男廁
即「乜撚都有」,指國際機場男廁有不同種族男性的陽具(撚)。

諧音

粵語諧音嘅取代字詞

粵語諧音代表粗口
「雕」/「妖」/「小」
「西」
「能」
「釣蟹」/「釣喇嘛花蟹」屌屄/屌那媽化屄
「地理魯媚」屌你老味
「調理冇毛」屌你老母
「調理農務臭花系」屌你老母臭化屄
「調理農務蘭花系」屌你老母撚化屄
「鹹蝦燦」冚家剷
「調理鹹蝦」屌你冚家
「拜膠拜」掰㞗掰
「岸舟舟」戇㞗㞗
「硬膠」戇㞗㞗
「夜渡溪」熱到屄
凍檸水凍撚死
凍檸茶凍撚殘
「大檸樂」大撚鑊
大家樂大㞗
「你諗你」理撚你(「唔理你/話知你」嘅意思)
「做乜諗嘢」「做乜撚嘢」(「諗」似「撚」)
「點搵你」屌撚你
「杏加橙」冚家剷
曲街仆街,位於香港紅磡
「插頭」杘頭
「先走蟹」死臭閪

第啲話嘅諧音

Delay No More係香港地道諧言粗口。係香港文化一部份
  • 法國皇帝」 :直譯做英文「France King」,「費撚事傾」。
  • 法國銀行支票」 :直譯做英文「France Bank Cheque」,「費撚事笨𨳍」。
  • 荷蘭銀行支票」 :直譯做英文「Holland Bank Cheque」,「好撚笨𨳍」。
  • 荷蘭月亮」 :直譯做英文「Holland Moon」,「好撚悶」。
  • 荷蘭」 :直譯做英文「Holland Bean」,「好撚偏」。
  • 荷蘭擁躉/荷蘭風扇」 :直譯做英文「Holland Fan」,「好撚煩」。
  • 荷蘭火腿」 :直譯做英文「Holland Ham」,「好Lun鹹」
  • 荷蘭皇帝」 :直譯做英文「Holland King」,「好撚勁」。
  • 荷蘭」 :「Holland Sea」,讀音似「好撚事」。
  • 荷蘭隊」 :直譯做「Holland Team」,「好Lun甜」。
  • 泰國銀行支票」 :直譯做英文「Thailand Bank Cheque」,「太撚笨𨳍」。
  • 泰國月亮」 :直譯做英文「Thailand Moon」,「太撚悶」。
  • 泰國擁躉/泰國風扇/泰國飯」 :直譯做英文「Thailand Fan」,「太撚煩」。
  • 泰國皇帝」 :直譯做英文「Thailand King」,「太撚勁」。
  • 澳門銀行支票」 :直譯做英文「Macau Bank Cheque」,「麻㞗笨杘」。
  • 澳門擁躉/澳門風扇/澳門飯」 :直譯做英文「Macau Fan」,「麻㞗煩」。
  • 澳門」 :「Macau Sea」,讀音似「乜㞗事」。
  • 唔好拖延」 :直譯做英文「Delay No More」,「屌你老母」。
  • 寵物小精靈GO」 :直譯做英文「Pokemon GO」,「仆街夢㞗」, 「仆街懵尻」。(「尻」意指田尻智其中一字。)
  • 達賴喇嘛」,英文稱「Dalai Lama」,發音縮寫為「DLLM」,同讀音「Diu Lay Lo Mo」一樣,即係「屌你老母」或「屌那媽」。
  • 咖啡色」 :呢個詞語來自泰文嘅「สีน้ำตาล」,讀音似「是撚旦」。
  • 村長騎牛背」 :據聞呢句來自泰文嘅「กำนันขี่หลังควาย」,讀音似「咁撚奇撚怪」。
  • 童子軍跳彈牀」:"Scout"彈,讀音似「是㞗旦」。
  • 調理農務蘭花系」:調理農務蘭花系名字來自粗口諧音,屌你老母撚化屄。
  • 不該」(普通話):「poor guy」,「poke guy」(仆街)。
  • 稻草人」:呢個詞語嘅閩南話讀音似「屌臭撚」。
  • 路姆西」(一隻玩具狼):用來掟梁振英(振英哥),叫為「老母西」,寓意「老母屄」。
  • 路福西」:即「路姆西」,「」被稱為「Fuck」。
  • Lufsig」:即「路姆西」/路福西」,稱為老母屄。
  • Ideally normal height」英文音似係「我屌你老母屄」。
  • Dell Lenovo Haier」:呢個嘅讀音似「屌你老母屄」。
  • Alan」:呢個嘅讀音似「阿撚」。
  • PK」:寓意「仆街」。
  • Puki」:印尼文即「」,呢個嘅讀音似「仆街」。

粗口譯做英文

  • Tell The Dog」 :「話狗知」,係「話㞗知」嘅諧音。
  • Whole Family Died」 :「冚家剷」。
  • Fuck Your Whole Family」 :「屌你冚家」。
  • Foolish Seven」 :「笨」。
  • Burn Your Spring Pocket/Your Spring Pocket will be Barbecued」 :「燒你膥袋」。
  • Falling Down the Street」 :「仆街」。
  • One Dog Face」 :「一狗樣」,係「一㞗樣」嘅諧音。
  • Macau Fan」 :「澳門風扇」,係「麻㞗煩」嘅諧音。
  • Polk Street」 :「仆街」
  • Throw your mother old shoes」:「丟你媽舊鞋」,係「屌你媽嘅㞗屄」嘅諧音。
  • Wei Lei Ben, Chen」 :「威利賓‧陳」,係「搵你笨杘」嘅諧音。(出自流民師表)
  • Fucking Mom」 :「屌老母」
  • Fucking Family」 :「屌冚家」。
  • Fuck His Mom」 :「屌哪媽」
  • Delay No More」 :「屌你老母」縮寫(dnlm)

有時都會倒返轉,借廣東話嚟意譯成外語粗口諧音。例如:

  • 福建大學」:直譯做英文「Fook Kin U」,「Fucking you」。
  • 灣景街」嘅 灣景:直譯做英文 「Wan King」(wanking),意思即係 打飛機 噉解

次文化

當年香港有本綜合式漫畫,叫做【玉郎漫畫】,每一期中間都會加插一頁專欄叫做【太公報】,由漫畫家甘小文所主編,用報紙嘅形式嚟登。專欄同讀者上另類嘅自然教育同埋體育堂:

自然教育

  1. 、狒、(「晏晝屌你屎忽窿」嘅諧音)
  2. 鵰、、狸(「屌㞗爆你」嘅諧音)
  • 水産類:
  1. 、豚、鯆

體育科

  • 跳遠:跳七里跳九里跳廿碼(「屌杘你」、「屌㞗你」、「屌那媽」嘅諧音)
  • 舞蹈:跳老舞(「屌老母」嘅諧音)

打油詩

以下一首諧音打油詩曾經輯錄喺黃霑嘅《不文集》,周星馳主演電影唐伯虎點秋香》嘅一幕比試戲,《古惑仔》系列嘅《戰無不勝》。

冚家剷泥齊種樹
汝家池塘多鮫魚
魚肥果熟嫲撚飯
你老母兮親下廚
  • 兮:「屄」諧音

實例

廣東人有時會用一連串粗口對鬧[5]。出名嘅例有巴士阿叔同廣州巴士阿叔。

公衆人物喺公開講粗口唔多,但都有啲踩鋼線嘅例:

  • 唐英年喺立法會上講「吊吊」(diu3*4 diu3*2 fing6)
  • 曾蔭權喺立法會答問大會上面爆咗句「狗/久/鬥噏辯論」。(事後官方紀錄做「鬥噏」,但好多人都聽到前者)
  • 黃毓民喺立法會上用國語講「真不該」(國語「不該」同粵語「仆街」發音相似)
  • 2013年11月11日,鍾樹根喺立法會資訊科技及廣播事務委員會審批緊香港電台起新廣播大樓工程嘅時候叫王維基收皮」。(原文:「原來淨係Infrastructure(基礎設施)都要幾十億,王維基得十幾億,『收皮啦』!」)
  • 2017年1月6日,陳健波處理議員朱凱廸提交嘅臨時動議時,講:「朱凱廸,你提(鳩)咗廿幾個議案」,引來全場議員拍枱大笑[6]
  • 2017年5月2日,陳健波梁國雄講:「(屌)你再講嘢,我要停止你發言」[7]
  • 2022年2月4日,林鄭月娥喺嗰日疫情記者發布會講:「除咗供應… er唔係(屌),除咗提供緊急,即係Emergency…」

諧音

參考

睇埋

由「https:https://www.search.com.vn/wiki/index.php?lang=zh-yue&q=廣東話粗口&oldid=2101306」收
🔥 Top keywords: 英格蘭足總盃陳慧嫻頭版尼日利亞谷婭溦Special:搜索Special:最近修改千門八將龔柯允無綫新聞部主要人員名單黃于喬廣東話粗口雷濠權羅石青宗教艾力拉蒲彎特1國家面積一覽李雲迪大明皇帝一覽多得他米希亞鍾雪瑩口交Taiwan王昊被虐待致死案許冠傑源生罪各國兵力一覽廣東土改大嶼山荃灣國家人口密度一覽葉德嫻厄立特里亞練美娟剛果民主共和國太陽的後裔老撾