Artosta
 | Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Artosta (en francés Artouste) ye una estación d'esquí situata en os Pireneus biarneses, aintro la Val d'Osal, en a comuna de Larunz, perteneixent a lo departamento d'os Pireneus Atlanticos.
| Artosta | |
|---|---|
 | |
| Situación cheografica | |
| Situación | Val d'Osal, Pireneus |
| Altaria maxima | 2.100 mslm |
| Altaria minima | 1.400 mslm |
| Pistas | |
| Total km. | 25 km |
| Pistas | 18 |
| Pista mas gran | 3.500 m (Grand coq) |
 Verdas | 2 |
 Azuls | 9 |
 Royas | 6 |
 Negras | 1 |
 Travesía | |
 Fundo | |
 Terrain parks | 1 |
| Esquí nocturno | |
| Remontaderas | |
 Telesquís | 6 |
 Telecadieras | 3 |
 Telecabinas | 1 |
 Cintas | 1 |
| Nieu artificial | |
| Canyons | 3 |
| Superficie | 1,5 km² |
| Datos chenerals | |
| Pachina oficial | (fr) Pachina oficial |
| Correu-e | artouste@altiservice.com |
| Telefono | (+33) 05 59 05 34 00 |
| Fax | |
Cheografía
A estación d'esquí se troba en a val d'Osal, sobre l'entibo de Fabregas, y amán lo Laco d'Artosta, ibón que da nombre a la estación.
Historia
Comenzata a construyir en l'anyo 1966 por iniciativa d'o concello de Laruntz, a estación s'ubrió en rematar a obra en l'anyo 1969. Inicialment orientata como una chicota estación de proximidat ta los departamentos y rechions pirenencas, estando nomás en o departamento d'os Pireneus Atlanticos a cercana y veterana estación de Goreta, dende primerías d'os anyos 30, en a misma Val d'Osal, antimás d'a de La Pèira Sant Martin, en a Val de Varetons, mugant con Iparralde, mes proxima ta la costa atlantica, y ubierta en 1962.
Visto que dende primerías a estación estaba deficitaria en cuanto a ingresos, nueu anyos dimpués d'a suya ubertura se vendió a lo grupo empresarial EPSA (siglas en francés d'Entidat Publica d'Estacions d'Altaria), una traza de Aramón francesa per aquellas anyadas, que sindembargo no'n pudo desembolicar una solucion per os problemas economicos.
Anyos mes tardi, en 2006, una altra interpresa, asociada a lo desarrollo d'as instalacions hidroelectricas d'a zona como os lacos o ibons entibados cercanos d'Artosta y Fabregas, se fació cargo d'a estación d'esquí. Ista interpresa clamata Altiservice, ye parti d'o grupo Engie (anteriorment dito GDF Suez), citata electrica. A concesión d'a estación hibernal per Altiservice ye per un periodo de 18 anyos, dica 2024.
Problematicas
O futuro d'a instalción no'n puet veyer-se rai platera, debito a los problemas arrastratos. Principlament se tracta d'una estación con unas cotas d'altaria masiau baxas -entre 1.400 y 2.100 metros sobre o livel d'a mar- que muit habitualment no aseguran un livel d'innivación suficient per a actividat esportiva en buena parti d'a estación, feito antimás debiu a la desminución d'as precipitacions y la puyada d'as temperaturas meyas (fenomeno asociato a l'escalfamiento global), a manca de renovación d'as instalacions -poquers canyons per fer nieu artificial, y remonts antigos y poco modernizatos- y a chiqueta superficie esquiable en comparación con altras estacions cercanas, con poca posibilidat d'ampliación -tamién asociato a la situación geografica d'a instalación, d'insuficent altaria-, problemas toz limitants per l'actividat d'a estación.
Se veiga tamién
Vinclos externos
Se veigan as imáchens de Commons sobre Artosta.- (fr) Pachina oficial
