Carles Puigdemont

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Carles Puigdemont i Casamajó
O politico catalán Carles Puidemont i Casamajó, 2016
President d'a Cheneralidat de Catalunya
10 de chinero de 2016 – 27 d'octubre de 2017
Precediu por	Artur Mas
Succediu por	Quim Torra
Alcalde de Chirona
1 de chunio de 2011 – 11 de chinero de 2016
Precediu por	Albert Ballesta
Succediu por	Anna Pagans
Diputado al Parlamento por Chirona
Actualment en o cargo
Dende o 10 de noviembre de 2006 - 27 d'octubre de 2017
President de l'Asociación de Municipios por a Independencia
17 de chulio de 2015 – 11 de chinero de 2016
Precediu por	Josep Maria Vila d'Abadal
Succediu por	Josep Andreu
Naiximiento	29 de noviembre de 1962 Amer, Selva, Catalunya)
Partiu	Convergència Democràtica de Catalunya Junts pel Sí
Conchuche	Marcela Topor
Profesión	Periodista y politico
Pachina web	www.CarlesPuidemont.cat

Carles Puidemont i Casamajó (karɫəs pudʒðəˈmon i kazəmə'ʒo), naixiu d'Amer (Selva) o 29 de noviembre de 1962, ye un periodista, politico y activista politico catalán que estió alcalde de Chirona, y President de l'Associació de Municipis per la Independència, a mas de deputau en o Parlamento de Catalunya dende o 2006 dica o 2017 y President d'a Cheneralidat de Catalunya dende o 10 de chinero de 2016 dica o 27 d'octubre de 2017 cuan o Gubierno d'Espanya lo destituye con l'aplicación de l'articlo 155 d'a Constitución Espanyola, as suyas funcions las fació Soraya Sáenz de Santamaría dica o 17 de mayo de 2018, que o Gubierno d'a Cheneralidat esliye a Joaquim Torra i Pla, conoixiu simplament como Quim Torra.

Mientres o suyo mandau como president d'a Cheneralidat s'empentó a celebración d'un referéndum d'independencia de Catalunya l'1 d'octubre de 2017 y s'efectuó una pretendida declaración unilateral d'independencia d'o territorio lo día 27 d'o mesmo mes. Asinas, estió cesau en o cargo lo 28 d'octubre de 2017, a l'amparo d'a Orden PRA/1034/2017, de 27 d'octubre, en aplicación de l'articlo 155 d'a Constitución espanyola de 1978. Estió meso alavez en busca y captura en territorio espanyol acusau de presuntos delitos de rebelión, sedición y malversación de caudales publicos per actos que se le imputan en a organización d'o referéndum y la declaración unilateral d'independencia.

O 30 d'octubre de 2017 Puigdemont marchó ta Bruselas de conchunta con cuatro consellers d'o suyo gubierno, Clara Ponsatí, Antoni Comín, Lucise Puig y Meritxell Serret. Una vegada instalau en Belchica, concorrió como candidato a las eleccions a lo Parlamento Europeu de 2019 en Espanya y resultó triau eurodeputau. Una resolución d'o Tribunal de Chusticia d'a Unión Europea relativa a la situación procesal d'Oriol Junqueras propició que se podese tramitar la suya acta de parlamentario en chinero de 2020.