Dama dama

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Dama dama
Eixemplar de Dama dama
Denominacions populars
Paleto [1], Gamo [2]
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Mammalia
Orden:	Artiodactyla
Familia:	Cervidae
Chenero:	Dama
Especie:	D. dama
Descripción
Dama dama Linné, 1758
Distribución cheografica
Distribución 1: Nativo 2: Posiblement nativo 3: introduciu d'antes mas u reintroduciu 4: Introduccions modernas

O gamo u paleto (Dama dama) ye una especie de mamifero de l'orden artiodactyla y familia cervidae propia d'os países d'a Mediterrania Oriental y Orient Meyo y introducida en os países d'a Mediterrania Occidental y amplas parz d'Europa.

Fue introduciu en l'antiguedat en a Peninsula Iberica, pero seguntes Woertensen (2000) s'extinguió d'Aragón entre os sieglos XIV y XVII. Entre os sieglos XVIII y XIX bi ha citas dubdosas d'esta especie en Zamora, Vall de Boí, Vallvidrera, Passanant, Abella de la Conca, Sant Serni, Espot, Gausac, Les, Les Bordes y Vielha, que en muitos casos podrían corresponder a Cervus elaphus, Capreolus capreolus u Sarrios.

A primerías d'o sieglo XX os zaguers puntos d'a peninsula on yera present yera os Monts de Toledo y a Cáceres. Lo tornoron a reintroducir en Aragón en l'anyo 1959 en l'aria de Moncayo cerca de Tarazona; en l'anyo 1961 lo reintroducioron en a Defesa de Moncayo y en a Val d'Echo. A fins d'o sieglo XX lo han introduciu en uns cuantos cotos privatos de caza en Aragón. A man d'Aragón se troba tamién en l'Alta Garona, en o Pallars, l'Alto Urchel, a Cerdanya y Navarra.