Mateu

En o "Libro d'a manifestación d'o morabetín d'as aldeyas d'a ciudat de Daroca", de 1373 figura chent con nombre Mateyo en Lagueruela, Fuent Frida, Allueva, Cuevas de Portalrubio, Cervera de Pancrudo, Alpenyés, Cosa, Barrachina, Nueros, Cuenca Buena, Lechago, Navarret, Fuents Claras, Mont-reyal, Villafranca, Cingla, Tornos, Luco de Xiloca y Burbaguena, y Mateya en Calamocha y Blancas.^[2]

As formas Mateyo y Mateya s'orichinarían a partir d'as formas converchents con o castellano Mateo y Matea/Matía, y ye posible que a -y- epentica siga una hipercorrección, porque en o "Libro d'a manifestación d'o moraberín d'as aldeyas d'a ciudat de Daroca" veyemos escrito l'apellito Soriano como Soreyano; en atros textos escritos en aragonés d'as comunidaz aragonesas mos trobamos hipercorreccions pareixitas (Mareya en cuenta de María). En caso de pronunciar-se a -y- epentica n'estos casos como Mateya y Romeya tampoco no se representa en a ortografía actual proposata por l'Academia de l'Aragonés y s'escribiría Mateo y Matea, porque no ye o caso de succeder a una -d- u -g- que ha desapareixito como en creyer u leyal.