The Bodyguard (cinta de 1992)

Iste articlo ye sobre una cinta estausunidense de 1992 de cine musical d'intriga dramatica y romantica dirichida por Mick Jackson; ta atros usos, se veiga The Bodyguard y The Bodyguard (cinta).

The Bodyguard
Títol	The Bodyguard
Póster d'a cinta.
Ficha tecnica
Dirección	Mick Jackson
Aduyant de dirección	Albert M. Shapiro
Dirección artistica	William Ladd Skinner
Producción	Kevin Costner Lawrence Kasdan Jim Wilson
Disenyo de producción	Jeffrey Beecroft
Guión orichinal	Lawrence Kasdan
Musica	Alan Silvestri
Fotografía	Andrew Dunn
Montache	Donn Cambern Richard A. Harris
Escenografía	Lisa Dean
Vestuario	Susan Nininger
Maquillache	Carrie Angland Valli O'Reilly Francisco X. Pérez
Peluquería	Elle Elliott Ellin La Var Medusah Kelly Muldoon
Efectos especials	Rodney M. Byrd Burt Dalton Dale Ettema Donald Myers Eric Rylander
Actors	Kevin Costner Whitney Houston Gary Kemp Bill Cobbs Ralph Waite Tomas Arana Michele Lamar Richards Mike Starr Christopher Birt DeVaughn Nixon Gerry Bamman Tony Pierce Robert Wuhl Richard Schiff Chris Connelly Debbie Reynolds David Foster
Color	Technicolor
Datos y cifras
País(es)	Estaus Unius
Anyo	1992
Debantadera	25 de noviembre de 1992 Estaus Unius[1]
Chenero(s)	Cine d'intriga Cine de drama Cine de romance Cine musical
Durada	129 min.
Idioma(s)	Anglés
Companyías
Productora(s)	Tig Productions Kasdan Pictures
Distribución	Warner Bros.
Presupuesto	25 millons de dólars
Recauto	411 millons de dólars
Informacions en bases de datos especializadas:

The Bodyguard (títol orichinal en anglés, en aragonés O guardaspaldas, enguerada en Aragón con o suyo títol traduciu enta lo castellano como El guardaespaldas) ye una cinta de cine estausunidense de l'anyo 1992 de cine musical d'intriga dramatica romantica dirichida por Mick Jackson seguntes un guión orichinal de Lawrence Kasdan, con una banda sonora orichinal d'Alan Silvestri, una dirección de fotografía d'Andrew Dunn y una producción cinematografica de Kevin Costner, Lawrence Kasdan y Jim Wilson ta las productoras Tig Productions y Kasdan Pictures. Conta con un elenco composau por, entre d'atros, os actors Kevin Costner, Whitney Houston, Gary Kemp, Bill Cobbs, Ralph Waite, Tomas Arana, Michele Lamar Richards, Mike Starr, Christopher Birt, DeVaughn Nixon, Gerry Bamman, Tony Pierce, Robert Wuhl, Richard Schiff, Chris Connelly, Debbie Reynolds y David Foster.

Rachel Marron ye una actriz nominada a los Premios Oscar y amás con una destacada carrera como cantaire y dende fa tiempos ye recebindo menazas de muerte ninviadas anonimament, asinas que lo suyo manager contracta a un guardaspaldas profesional, Frank Farmer, qui d'antes mas heba perteneixiu a lo United States Secret Service estando lo guardaspaldas d'os presidents Jimmy Carter y Ronald Reagan. Bien luego Rachel (que no conoix completament as menazas porque las li han amagau parcialment) considera que Frank ye un paranoico d'a seguridat y prencipia a sentir-se molesta con él, encara que tamién fa cimbel con él y plegan mesmo a dormir chuntos una nueit. Sindembargo, Frank talla la relación en considerar que ixo compromete lo suyo treballo y Rachel se distancia d'él, dica que recibe una menaza telefonica directa y para cuenta d'a gravedat d'a situación y deciude seguir os consellos d'o suyo guardaspaldas.

The Bodyguard s'ambienta en Los Angeles en California y en Miami en Florida en a epoca actual d'a cinta (1992, y las suyas escenas se rodoron en Beverly Hills, Long Beach, Los Angeles y atras localidaz en California, Newark en Nueva Jersey y en Miami, Miami Beach y atras localidaz en Florida.^[2]

Ye una cinta con una acullida mixta por parte d'a critica profesional encara que con muito exito de publico, y recibió bels premios y nominacions, en destacando dos nominacions a los Premios Oscar en a suya 65^ena edición (Canción Orichinal para dos cancions). Tanimientres, os premios estioron siempre ta la banda sonora orichinal, centrando-se las critricas negativas en as actuacions d'os suyos interpretes, plegando mesmo a tener cuantas nominacions a los Premios Golden Raspberry (incluyius Pior Cinta, Pior Actor y Pior Actriz).