Alekséi Nikoláyevich Tolstói

Alekséi Nikoláyevich Tolstói (Rusu: Алексей Николаевич Толстой) (29 d'avientu de 1882 ^(xul.), Pugachov ^(es)  – 23 de febreru de 1945, Moscú), alies Collaciu Conde, foi un escritor rusu soviéticu autor d'escritos de munchos xéneros pero especializáu na ciencia ficción y noveles históriques.

Alekséi Nikoláyevich Tolstói
miembru del Sóviet Supremu de la Xunión Soviética
Vida
Nacimientu	Pugachov (es) , 29 d'avientu de 1882 (xul.)[1]
Nacionalidá	Imperiu Rusu Francia República Rusa Xunión Soviética
Muerte	Moscú, 23 de febreru de 1945[2] (62 años)
Sepultura	Cementeriu Novodévichi
Causa de la muerte	cáncanu
Familia
Padre	Nikolay Tolstoy
Madre	Alexander Bostrom Leontievna
Casáu con	Natalia V. Krandievskaya (es)
Fíos/es	Nikita A. Tolstoy Dmitry Tolstoy (en)
Pueblu	Familia Tolstoi (es)
Estudios
Estudios	Institutu Teunolóxicu Estatal de San Petersburgu
Llingües falaes	rusu[3]
Oficiu	dramaturgu, escritor, poeta, novelista, escritor de lliteratura infantil, guionista, escritor de ciencia ficción, políticu
Trabayos destacaos	La llave de oro o las aventuras de Buratino (es)
Premios	ver Premio Stalin Orde de la Insinia d'Honor Orde de la Bandera Colorada del Trabayu Orde de Lenin Medaya pol trabayu valiente na Gran Guerra Patriótica 1941-1945
Miembru de	Academia de Ciencies de Rusia Academia de Ciencies de la Xunión Soviética Unión de Escritores Soviéticos (es)
Movimientu	Realismu socialista
Xéneru artísticu	novela histórica literatura de ciencia ficción (es)
IMDb	nm0866238

De familia noble, nació en Pugachov en 1883. Cursó la escuela secundaria en Samara y los estudios cimeros nel Institutu Teunolóxicu de San Petersburgu, pero al terminar la carrera dedicóse a la lliteratura. Nun principiu cultivó la poesía d'enclín simbolista (Llírica, 1907). Darréu estremóse d'ella (Los ríos azules, 1912). Destacó, sicasí, como prosista, sobremanera colos sos rellatos del ciclu La Rexón del Volga (1910-1911), pa los cualos tomó como modelos lliterarios a Iván Turguénev, a Lev Tolstói y a Gógol. Ente 1914 y 1916 foi corresponsal de guerra. Depués dedicóse a la comedia (La fuercia demoníaca, Oscurantistas, 1917).

Contrariu a la revolución d'Ochobre, en 1918 emigró, pero en 1923 rectificó la so posición, volviendo al so país. Escribió la Infancia de Nikita, novela autobiográfica; la triloxía Pelegrinación pelos caminos del dolor (1920-1941); noveles de ciencia-ficción, como Aelita y El hiperboloide del inxenieru Garin; rellatos sobre'l pasu de la guerra a la vida civil (a esti tipu pertenez La víbora); el drama Iván el Tarrecible, y la so gran novela histórica (que la so tercer parte quedó ensin terminar) Pedru I, na que tuvo trabayando dieciséis años, de 1919 a 1935.

Académicu dende 1939, foi gallardoniáu con diversos ya importantes premios y figura ente los meyores prosistes rusos del sieglu XX.