Arquiteutura von Neumann
La arquiteutura von Neumann ye un modelu de diseñu pa Ordenadores nel que les instrucciones de los programes y tamién los datos tán calteníos na mesma cadarma d'atroxu. La unidá de procesamientu ta separtada del disposititivu d'atroxu, cosa que tamién ta implícita nesta arquiteutura.
Tipu | arquiteutura d'ordenadores y conceutu matemáticu |
---|---|
Orixe del nome | John von Neumann |
Anque pueda paecer innecesario pensar nestos detalles por evidentes, los primeros ordenadores teníen los programes fixos, cableaos; poro, la idea de que'l programa tuviere almacenáu de la mesma manera que los datos ye perimportante, porque ye lo que permite que l'ordenador se pueda emplegar pa munches xeres estremaes y abre'l pasu a la esistencia del software y la programación. Si anguaño paeznos nidio que los ordenadores trabayen asina, ye porque práuticamente toos ellos implementen l'arquiteutura von Neumann.