Asian Le Mans Series

L'Asian Le Mans Series ye un campeonatu de sport prototipos y gran turismos celebráu n'Asia dende l'añu 2009. Ye el resultáu de numberosos intentos del empresariu estauxunidense Don Panoz y del Automobile Club de L'Quest (ACO), organizador de les 24 hores de Le Mans, d'instaurar un certame asiáticu d'esa especialidá, a semeyanza del americanu (American Le Mans Series) y l'européu (Le Mans Series).

Asian Le Mans Series
Xeneral
Tipu de competición	serie de competición d'automovilismu
Deporte	carreras de automóviles deportivos (es)
Organizador	Automobile Club de l'Ouest (es)
Historia
Fundación	2009
Competición
Periodicidá	Cada añu
Web oficial

Dau l'altu nivel de participación de fabricantes y preparadores xaponeses nes 24 hores de Le Mans na década de 1990, el ACO y la Federación Xaponesa del Automóvil entamaron en payares de 1999 los 1000 km Le Mans de Fuji nel circuitu xaponés de Fuji, coles clases d'automóviles del ACO y el Campeonatu Xaponés de Gran Turismos combinaes. Los ganadores de cada clase fueron convidaos a les 24 hores de Le Mans; esta política foi repitida n'otres ocasiones.

Nel circuitu caleyeru d'Adelaide (Australia), la American Le Mans Series apostó'l 31 d'avientu de 2000 la so última fecha de la temporada sol títulu Carrera de los Mil Años. La categoría yá visitara esi añu dos circuitos europeos. Debíu al fracasu de la efímera European Le Mans Series que s'apostó en 2001, la carrera inaugural de la Asian-Pacific Le Mans Series que s'entamaba apostar en Sepang (Malasia) a fines de 2001 atayóse, y el proyeutu foi conxeláu.

En 2006, la organización Sports Car Endurance Race Operation inauguró'l Japan Le Mans Challenge, un campeonatu qu'usaba'l mesmu reglamentu del ACO pero que dexaba automóviles non homologados y amás taba acutáu a equipos y circuitos xaponeses, a semeyanza del Campeonatu Xaponés de Sport Prototipos de dos décades tras. La escasez de participantes y públicu llevaron a la so desapaición al concluyir la temporada 2007.

El ACO retomó en 2008 el plan de formar un campeonatu asiáticu de sport prototipos y gran turismos. Sicasí, la carrera d'exhibición que s'apostaría en payares d'esi añu en Shanghai (China) atayóse. La temporada 2009 de la Asian Le Mans Series diba consistir en dos feches de dos carreres de 500 km caúna, a celebrase n'Okayama (Xapón) y Shanghai en dos selmanes consecutives de payares. La fecha china tamién foi suspendida, en cuantes que los 1000 km de Okayama apostáronse coincidiendo con una fecha del Campeonatu Mundial de Turismos.

La Copa Intercontinental Le Mans tuvo nes temporaes 2010 y 2011 una única carrera asiática en Zhuhai, China (llamada 1000 km de Zhuhai y 6 hores de Zhuhai respeutivamente), y la Asian Le Mans Series nun s'apostó oficialmente.

En 2013, el ACO retomó la serie, que la so temporada consistía de cuatro feches.

Los ganarodes de cada clase reciben automáticamente la invitación pa correr les 24 hores de Le Mans.