Beta Gruis
Beta Gruis (β Gru / HD 214952 / HR 8636)[6] ye la segunda estrella más brillosa de la constelación de Grus con magnitú aparente +2,07, namái superada por Al Nair (α Gruis). Entá siendo la 60ª estrella más brillosa del cielu[7] —l'orde exautu puede variar llixeramente d'una a otra clasificación— nun tener nome propiu habitual, anque dacuando ye conocida como Gruid o Alphaulka.
22h 42m 40.05s, -46° 53′ 4.475″
Beta Gruis una xigante colorada fría de 3400 K de temperatura superficial y tipu espectral M5III. Considerando la radiación emitida nel infrarroxu —importante nel casu d'estrelles coloraes— la so lluminosidá ye unes 3900 vegaes mayor que'l Sol. El so diámetru ye de 0,8 UA, esto ye, nel llugar del Sol estenderíase más allá de la órbita de Venus.[8] Amás ye una estrella variable, clasificada como irregular, que'l so rellumu bazcuya ente magnitú +2,0 y +2,3.[9]
Estudios d'interferometría suxuren que Beta Gruis puede tener una tenue compañera a menos de 0,22 segundos d'arcu, qu'a los 170 años lluz de distancia que nos dixebra d'ella, equivalen a 11 UA de separación al respective de la estrella principal.[8]