Cámbium
En Botánica, el cámbium ye un texíu vexetal meristemático específicu de les plantes maderices, asitiáu ente la corteza y el tochu,[1]compuestu de normal por una capa única de célules embrionaries.
.jpg)
El cámbium vascular ye un meristema llateral del texíu vascular de les plantes.[2]El cámbium vascular ye l'orixe del xilema secundariu (que crez escontra adientro) y del floema secundariu (que crez escontra fuera), y alcuéntrase ente estos texíos nel tarmu y el raigañu. Dellos tipos de fueyes tamién tienen cámbium vascular.[3]
Carauterístiques
Cada añu'l cámbium anicia dos capes de célules adultes. La primera, escontra l'interior, ye de tochu (xilema); éstes son les que formen la madera y reconócense depués como aniellos de crecedera. La segunda, escontra fuera, ye otru tipu de texíu'l floema, que tresporta cazumbre ellaborada en direición a los raigaños.
El cámbium ye un meristemo primariu remanente, formáu por un rastru de célules embrionaries derivaes del meristemo apical. Ésti, asitiáu nel estremu de crecedera, dexa detrás d'él amás texíos adultos. El cámbium ye responsable del crecedera secundaria en grosez de los tarmos, ye un meristemo secundariu, formáu por célules adultes que vuelven recuperar el so calter meristemático.
El cámbium vascular consiste en dos tipos de célules:
- Iniciales fusiformes (célules altes, axialmente empobinaes)
- Iniciales radiales (célules cuasi isodiamétricas - más pequeñes y de formes angulares)
Ver tamién
- Histoloxía vexetal
- Meristema
Referencies
Datos: Q369429
