Capitales y tumbes del antiguu reinu de Koguryo

Capitales y tumbes del antiguu reinu de Koguryo ye'l nome que recibe una área asitiada cerca de la ciudá de Ji'an, na provincia china de Jilin, considerada como Patrimoniu de la Humanidá pola Unesco dende l'añu 2004.^[1]

Capitales y tumbes del antiguu reinu de Koguryo

Patrimoniu de la Humanidá — UNESCO
Balta del xeneral en Ji'an.
Llugar	China
Criterios	Cultural: i, ii, iii, iv, v
Referencia	1135
Inscripción	2004 (XXVIII Sesión)
Área	Asia y Oceanía

El llugar contién restos arqueolóxicos de tres ciudaes (Wunu, Guonei y Wandu) y 40 tumbes identificaes de la familia imperial de los Koguryo lo mesmo que de nobles de la corte.

La ciudá de monte de Wunu, fundada nel añu 37 e.C. , foi la primer capital del reinu Koguryo. La capital foi tresferida a Guonei trenta años más tarde y dempués pasó a Pyongyang, actual capital de Corea del Norte, nel añu 427. Mientres dellos sieglos, Guonei y Wundu fueron el centru económicu, políticu y cultural del reinu.

La mayoría de les tumbes imperiales, un total de 14, tán realizada en piedra y la so forma remembra a una especie de pirámide gradiada. Les cámares funeraries que s'atopen nel so interior tamién tán feches en piedra.

Cúntense un total de 27 tumbes de miembros de l'aristocracia. Tán feches en piedra y les cámares funeraries tán afataes con pintures murales.

En Corea del Norte atópase'l conxuntu de tumbes de Koguryo pertenecientes al mesmu reinu y que tamién tán consideraes como Patrimoniu de la Humanidá.