Casfigueiro
Casfigueiro[2][3] ye una aldega de la Provincia d'Ourense en Galicia, englobada nel Concello de Piñor. Apaez reflexáu nel Diccionario geográfico-estadístico-histórico de España y sus posesiones de Ultramar — Tomu VI, na Páx. 66. Pertenez a la Contorna de Carballino. Tien una población de 20 persones. Pertenez a a la Parroquia d'A Canda (que la so ilesia esta na aldega vecina de San Mamede). Atiesta coles poblaciones de Cotelas (Norte), Porto do Souto(Esti), Vilariño y Reda (Oeste), y A Lama (Sur) cruciando'l Ríu Silvaboa.[2]. La población ta documentada como parte del Cotu de Dozon, y la so venta per parte de l'abadesa del Monesteriu San Pedro de Vilanova de Dozon a un noble (al pie de Cotelas) en 12 de mayu de 1405[4]
 Casfigueiro | |
|---|---|
| Alministración | |
| País |  España |
| Autonomía |  Galicia |
| Provincia |  provincia d'Ourense |
| Conceyu | Piñor |
| Parroquia | A Canda |
| Tipu d'entidá | llocalidá de Galicia[1] |
| Códigu postal | 32135 |
| Xeografía | |
| Coordenaes | 42°28′51″N 7°59′50″W / 42.4809114°N 7.99724609°O |
  Casfigueiro Casfigueiro (España) | |
| Más información | |
| Estaya horaria | Hora central europea |
 | |
Historia
El monesteriu de Oseira adquirió los terrenes y propiedaes nes parroquies de Piñor (incluyida la que contién Casfigueiro) por aciu donaciones y alquisiciones, en cuenta de una renta. Pa recoyer estes rentes, y asegurase de que la tierra fuera bien trabayada, el monesteriu tenía, según Rotello Vellu, una tumba del sieglu XIV, una serie d'alcaldes distribuyíos por parroquies. El productu más cultiváu yera'l centenu.
L'aldega, al igual que'l restu de Galicia na dómina recién sufrió los efeutos de la migración, despoblándose pasu ente pasu según emigraba la población a les Américas (Buenos Aires, Lomas de Zamora, La Plata...) Europa (Xinebra, Stuttgart,...) o a les metrópolis españoles, (Madrid y Barcelona).
Heráldica
Son comunes na zona los apellíos Pousa,[5] (n'España ta partíu principalmente por Ourense, La Coruña, Pontevedra, Barcelona y Madrid[6]), Pereira, García, Andrade y Rodríguez
Personaxes
Foi llugar de nacencia en 1957 d'Antonio Liz Vazquez, llicenciáu en Xeografía y Historia pola UNED, militante de la CNT, y miembru fundador del BNG (Bloque nacionalista gallegu). Publicó en diverses webs artículos sobre la revolución española, l'estalinismu y el métodu marxista. Miembru en Madrid de la Fundación Andreu Nin.
Gastronomía
- Llacón con grelos.
- Chules.
- Filloas.
- Castañes.
Fiestes
La fiesta patronal ye San Roque, el 16 d'agostu.
Llugares d'interés
Colindante a l'aldega, atópase'l Palaciu de Villarino, un exemplu de palacete gallegu bien calteníu. L'aldega amás caltién un fornu de piedra, (onde d'antiguo s'ellaboraba'l pan comunal), siendo estos bien comunes pela zona yá que a menos d'un kilométro atópase San Cristovo de Cea y la so contorna, onde se fabrica l'únicu pan d'España con denominación d'orixe, el Pan de Cea. Finalmente, el pueblu caltién una Yera de dómina medieval, y un llavaderu de piedra.
Comunicaciones
A la población aportar pola N-525, esviándose pola Ctra. de Cotelas a Pielas, o al traviés de la comarcal OU-406.
Referencies
Enllaces esternos
- Diccionario geográfico-estadístico-histórico de España y sus posesiones de Ultramar — Tomu VI versión digitalizada y de llibre accesu (Volume 6, entiende de CAS a CÓRDOBA).
- base de datos que busca información en tolos volúmenes del Diccionario geográfico-estadístico-histórico de España y sus posesiones de Ultramar de Madoz
- Códigu postal de Casfigueiro
Ver tamién
- Piñor
- Monesteriu de Oseira
Datos: Q5756103
