Castroserracín

Reflexa'l nome personal o étnicu Sarracinus, probablemente aludiendo a un propietariu. Aventuróse la hipótesis de que se trate d'un descendiente direutu, como apelativu (y non petrificado nel nome personal) del plural arábigu sarraqīn ‘sarracenos’. Sicasí, esta última hipótesis, suxurida por Vernet Ginés (1959), paez improbable, yá que esixe una preservación del llinguaxe que va más allá de la mera memoria léxica.^[2] Un topónimu similar ye'l de Castello Sarrazín, cerca de Silos (citáu en 1222). Otros más: Sarracín (Burgos), Sarracín de Aliste (Zamora), Serracín (Segovia), Monfarracinos (Zamora), Villasarracino (Palencia). Toos, ensin dulda, alusivos a propietarios. Compárense los topónimos asturianos Cerracín, Zarracín, Zarracina, aducíos por Cunha Serra.^[3] Lo más probable ye ver nesta familia toponímica una buelga del conocíu nome personal Sarracenus (915), Sarracino (976, 1065), Sarrazino (1055), Serracino (978, 1080), por citar namái unos exemplos de Portugal, Lleón y Asturies recoyíos por Rivas Quintás.^[4]

Sarracinus ye nome de persona. Ye bien frecuente na Edá Media, especialmente na etnia mozárabe (cristianos que tuvieren o taben entá baxu dominiu musulmán), lo cual ye dafechu compatible colo que se sabe del poblamientu zamoranu na primer Edá Media. La mayor parte de les cites medievales a persones con esti nome figuren llisa y llanamente como Sarrazino, Sarrazín. El que terminen en –ino o en –ín depende de lo siguiente: xeneralmente, si la espresión caltenía'l xenitivu llatín (Castrum Sarrazini), tendía a perdese la –i final. Pero, per otru llau, yera frecuente en patronímicos la flexón genitiva: Iohannes Sarrazini (Juan fíu de Sarrazino), y esto da llugar col tiempu a apellíos Serracín, que pueden de la mesma convertise en nome.^[2]

• Conceyos de la provincia de Segovia

• Wikimedia Commons acueye conteníu multimedia sobre Castroserracín.