Cristóbalo Colón

Cristóbalo Colón (1451, Xénova – 20 de mayu de 1506, Valladolid) foi un marineru que, al serviciu de la Corona de Castiella Reinu de Castiella, alcontró una ruta segura -dende occidente- a América hasta entós desconocida o non documentada'l 12 d'ochobre de 1492.

Cristóbalo Colón
Virrey de las Indias (es) 17 abril 1492 - 20 mayu 1506 Gobernador de las Indias (es) 1492 - 23 agostu 1500 - Francisco de Bobadilla →
Vida
Nacimientu	Xénova[1], 1451[2]
Nacionalidá	República de Xénova
Muerte	Valladolid[3], 20 de mayu de 1506[4] (54/55 años)
Sepultura	Catedral de Sevilla
Causa de la muerte	insuficiencia cardiaca
Familia
Padre	Domenico Colombo
Madre	Susanna Fontanarossa
Casáu con	Felipa Moniz (es) (1479 – )
Pareyes	Beatriz Enríquez de Arana
Fíos/es	Hernando Colón (es) Diego Colón (es) [5]
Hermanos/es	Bartolomé Colón (es) Giacomo Colomb
Pueblu	Colón (es)
Estudios
Llingües falaes	castellanu[6] italianu[7]
Oficiu	esplorador, marineru, marín, viaxeru, inventor
Influyencies	Pierre d'Ailly, Paolo dal Pozzo Toscanelli (es) , Claudio Ptolomeo, Marco Polo y Juan de Mandeville (es)
Miembru de	Fuerza conquistadora de Colón (es)
Graduación	almirante almirante de la mar Océana (es)
Creencies
Relixón	Ilesia Católica
Orde relixosa	Tercer Orde de San Franciscu

La historia más espardida del viaxe ye la de que Cristóbal Colón taba convencíu d'algamar les costes del llonxanu oriente (les Indies) viaxando a la escontra, pal oeste, y que yera posible facer el viaxe pela mar con posibilidaes d'ésitu. Daquella namás que se conocía esi camín arrodiando África, y esa yera una vía embaxo'l control de Portugal, que nun dexaba pasar a naves que nun foren propies. La forma redonda de la Tierra yera bien conocida na dómina, anque polo visto la teoría de Colón al rodiu de que pudiera facese'l viaxe basábase en cálculos fallíos al rodiu'l tamañu del planeta, qu'indicaben que yera más pequeña de lo qu'en realidá ye.

Otres teoríes dicen que Colón tuviere conocencia d'un continente nuevu por lleendes escuchaes en países nórdicos, escomencipiando la tarea de topalu pa la so conquista.

Lo que ye seguru ye que Colón amás de topar el nuevu continente, tornó a Europa y llueu a América hasta cuatro vegaes, faciendo una serie de viaxes periódicos con seguridá dende Europa hasta América, ensin saber nunca que los viaxes taben faciéndose a un continente nuevu, y non a unu vieyu. Anque se conoz que los Viquingos llegaren a América al rodiu del sieglu XI, ye de magar los viaxes de Colón y otros esploradores que lu socedieren cuando s'establecieron venceyes permanentes, reclamando pa sí les potencies imperiales europees el territoriu americanu. Amás entamóse l'intercambiu ente dambos continentes de productos como la pataca, el tomate, el maíz y d'animales como los caballos.

Nel so primer viaxe topó la islla de San Salvador (o Guanahani como yera nomada polos ñativos) depués de dos meses de travesía, visitando depués Cuba y La Española. Volvió a España siete meses depués de cuando marchara. Nel so viaxe cabero namás que tardó un mes y cuatro díes en dar coles costes d'América.

Los llogros de Cristobal Colón nesa dómina compárense a los viaxes a la Lluna fechos nel sieglu XX.

La República de Colombia tien el so nome n'homenaxe a Colón.