Estrella de tipu-G de la secuencia principal
| Tipu espectral | Masa estelar (M☉) | Gravedá superficial (log g) | Temperatura efectiva (K) | Índiz de color (B − V) |
|---|---|---|---|---|
| G0V | 1.15 | 4.32 | 5,980 | 0.583 |
| G1V | 1.10 | 4.34 | 5,900 | 0.608 |
| G2V | 1.07 | 4.35 | 5,800 | 0.625 |
| G3V | 1.04 | 4.37 | 5,710 | 0.642 |
| G4V | 1.00 | 4.38 | 5,690 | 0.657 |
| G5V | 0.98 | 4.40 | 5,620 | 0.672 |
| G6V | 0.93 | 4.42 | 5,570 | 0.690 |
| G7V | 0.90 | 4.44 | 5,500 | 0.713 |
| G8V | 0.87 | 4.46 | 5,450 | 0.740 |
| G9V | 0.84 | 4.48 | 5,370 | 0.776 |
Una estrella de tipu-G de la secuencia principal (Tipu Espectral: G-V), de cutiu tamién denominada nana mariella o estrella nana G, ye una estrella de la secuencia principal (clase de lluminosidá V) de tipu espectral G. Una estrella d'esti tipu tien alredor de 0,8 a 1,2 mases solares y una temperatura superficial entendida ente 5,300 y 6,000 K.[1] Al igual qu'otres estrelles de la secuencia principal, una estrella de tipu-G de la secuencia principal ta nel procesu de convertir l'elementu hidróxenu n'heliu nel so nucleu per mediu de la fusión nuclear.[2] El Sol, estrella a la que la Tierra ta xunida gravitacionalmente nel Sistema Solar y l'oxetu con mayor magnitú aparente, ye un exemplu d'estrella de tipu-G de la secuencia principal. Cada segundu, el Sol funde aproximao 600 millones de tonelaes d'hidróxenu n'heliu, convirtiendo cerca de 4 millones de tonelaes de materia en enerxía.[3] Arriendes del Sol, otros exemplos bien conocíos d'estrelles de tipu-G de la secuencia principal inclúin Alfa Centauri A, Tau Ceti y 51 Pegasi.
El términu nana mariella ye una denominación errónea, yá que en realidá les estrelles de tipu-G varien en color, del blancu (pa los tipos más lluminosos como'l Sol), a namái bien llixeramente marielles (pa les menos masives y lluminoses de tipu-G de la secuencia principal).[4] El Sol ye en realidá blancu, pero apaez mariellu al traviés de l'atmósfera terrestre por cuenta de la dispersión atmosférica de Rayleigh. Amás, anque'l términu "nanu" ye utilizáu pa contrastar estrelles marielles de la secuencia principal d'estrelles xigantes, les nanes marielles como'l Sol perpasen en brillantez al 90% de les estrelles de la Vía Láctea (que son en gran midida muncho más amatagaes que les nanes naranxes, les nanes coloraes, y les nanes blanques, siendo les postreres remanentes estelares).
Una estrella de tipu-G de la secuencia principal va fundir l'hidróxenu mientres aproximao 10 mil millones d'años, hasta que s'escose nel centru de la estrella. Cuando esto asocede, la estrella espándase en mayor proporción al so anterior estáu y conviértese nuna xigante colorada, tales como Aldebarán (o Alpha Tauri). Finalmente, la xigante colorada pierde les sos capes esteriores de gas, dando llugar a una nebulosa planetaria, mentanto'l nucleu va esfreciéndose y contrayendo nuna nana blanca trupa y compauta.[5]
| Estrella | Tipu Espectral | Magnitú aparente | Magnitú absoluta | Ascensión Reuta (J2000) | Declinación (J2000) | Distancia (Años lluz) |
|---|---|---|---|---|---|---|
| Sol | G2V | −26,73 | 4,8 | — | — | 1,6x10-5 |
| α Centauri A | G2V | −0,01 | 4,34 | 14h 39m 36.50s | −60° 50' 02.3" | 4,39 |
| τ Ceti | G8Vp | 3,49 | 5,68 | 01h 44m 04.08s | −15° 56' 14.9" | 11,9 |
| Achird A | G3V | 3,46 | 4,59 | 00h 49m 06.29s | +57° 48' 54.7" | 19,4 |
| 82 Eridani | G5V | 4,26 | 5,35 | 03h 19m 55.65s | −43° 04' 11.2" | 19,8 |
| δ Pavonis* | G8V | 3,55 | 4,62 | 20h 08m 42.61s | −66° 10' 55.4" | 19,9 |
| ξ Bootis A | G8Ve | 4,72 | 5,59 | 14h 51m 23.38s | +19° 06' 01.7" | 21,9 |
| Alula Australis A | G0V | 4,41 | 4,25 | 11h 18m 11s | +31° 31' 45" | 27,2 |
| Alula Australis B | G5V | 4,87 | 5,07 | 11h 18m 11s | +31° 31' 45" | 27,2 |
| Asterion | G0V | 4,24 | 4,63 | 12h 33m 44.54s | +41° 21' 26.9" | 27,3 |
| 61 Virginis | G5V | 4,74 | 5,09 | 13h 18m 24.31s | −18° 18' 40.3" | 27,8 |
| χ1 Orionis A | G0V | 4,39 | 4,70 | 05h 54m 22,98s | +20° 16' 34,2" | 28,3 |
| 41 Arae A | G8V | 5,55 | 5,83 | 17h 19m 03,83s | −46° 38' 10,4" | 28,7 |
| Beta Comae Berenices | G0V | 4,23 | 4,42 | 13h 11m 52,39s | +27° 52' 41,5" | 29,9 |
| κ1 Ceti | G5V | 4,84 | 5,03 | 03h 19m 21,70s | +03° 22' 12,7" | 29,9 |
| HR 4523 A | G3V | 4,89 | 5,06 | 11h 46m 31,07s | −40° 30' 01,3" | 30,1 |
| 61 Ursae Majoris | G8V | 5,31 | 5,41 | 11h 41m 03,02s | +34° 12' 05,9" | 31,1 |
* δ Pavonis ta abandonando la secuencia principal pa tresformase nuna estrella subxigante.
Ver tamién
- Habitabilidá en sistemes de nanes marielles
- Ximielgu solar
- Análoga solar
- Clasificación estelar
- Evolución estelar
- Diagrama d'Hertzsprung-Russell
Referencies
Enllaces esternos
Wikimedia Commons acueye conteníu multimedia sobre Estrella de tipu-G de la secuencia principal.
Datos: Q5864- Multimedia: Yellow dwarfs
