Eucommiaceae

Ye un pequeñu árbol nativu de China. Escastóse na vida montesa, pero ta llargamente cultiváu en China pola so corteza y la so goma o gutapercha, altamente valoraes na medicina tradicional china. Ye una de les 50 yerbes fundamentales de la medicina China, onde ye llamada dùzhòng (杜仲). Ye l'únicu árbol que produz látex de goma que tolera hasta -30º de temperatura.

Algama los 15 metros d'altor. Les fueyes son caduques, alternes, simples ovaes de 8–16 cm llargor, y márxenes serraos. Les flores son pequeñes y verdoses, el frutu ye una sámara con una grana.

Tamién se cultiva dacuando en xardinos botánicos d'Europa y América del Norte.

Fósiles de Eucommia de 10–35 millones d'años atopáronse en depósitos de lignitu en mines d'Europa y Norteamérica.(Call & Dilcher 1997), indicando que'l xéneru tuvo una mayor importancia nel pasáu.

Eucommia ulmoides foi descritu por Daniel Oliver y espublizóse en Icones Plantarum 20: pl. 1950. 1890.^[2]

• Wikimedia Commons acueye conteníu multimedia sobre Eucommiaceae .