Frida Kahlo
Magdalena Carmen Frieda Kahlo Calderón (6 de xunetu de 1907, Villa Coyoacán – 13 de xunetu de 1954, Villa Coyoacán), más conocida como Frida Kahlo, foi una pintora mexicana.
Frida Kahlo | |
---|---|
Vida | |
Nacimientu | Villa Coyoacán[1], 6 de xunetu de 1907[2] |
Nacionalidá | Méxicu [3] |
Muerte | Villa Coyoacán[1], 13 de xunetu de 1954[2] (47 años) |
Sepultura | Coyoacán (es) |
Causa de la muerte | bronconeumonía (es) trombosis pulmonar (es) flebitis (es) |
Familia | |
Padre | Guillermo Kahlo |
Casada con | Diego Rivera (1929 – div. 1939) Diego Rivera (1940 – m. 1954) |
Hermanos/es | Cristina Kahlo |
Estudios | |
Llingües falaes | castellanu[4] |
Oficiu | pintora |
Llugares de trabayu | Ciudá de Méxicu, Detroit, San Francisco y Nueva York |
Trabayos destacaos | Still Life: Pitahayas (en) Las dos Fridas (es) |
Movimientu | surrealismu[5] realismu máxicu[5] |
Xéneru artísticu | retrato pictórico (es) autorretrato (es) semeya |
Creencies | |
Relixón | ateísmu |
Partíu políticu | Partido Comunista Mexicano (es) (de 1927 a 1951) |
IMDb | nm1085710 |
La so actividá artística se va formar nel contestu cultural de la postrevolución mexicana y, dende una época mui primera -hacia los años venti-, Frida va entamar a valorar la cultura llariega, apreciando los valores estéticos del arte popular de Méxicu, dándo-y a la so pintura un sentíu dramáticu y violentu que se pueden alcontrar tamién en dalgunos esvotos populares, de los que tenía una gran coleición.[6] Va formar parte ente los años 1925 y 1929 d'una tendencia estética de xeitu vanguardista europea surdida en Méxicu, anomada estridentismu, que tenía como actitú la construcción d'una nueva sociedá a partires del desaniciu del vieyu orde.[7]
La so pintura desendolcóse per aciu de la influyencia d'estremaos estilos como'l realismu, el surrealismu y el simbolismu. Supo captar tolo que tenía al rodiu –pintures, fotografíes, grabaos, esvotos, esposiciones, llibros y viaxes–, va estudialo, y eso va aidala a definir un estilu pictóricu propiu. Sicasí, como comenta Teresa del Conde al falar de les pintures de Frida: «nengún de los sos cuadros pudo xenerase, no que cinca al espíritu, a partires d'otru país que nun fuera Méxicu.»[8]
A lo llargo de tola so vida tuvo una salú feble, careciendo poliomielitis a los seis años y un grave accidente de tráficu a los diechiocho que va facer qu'hubiera de sometese a bayura d'operaciones quirúrxiques. En 1929 casa col artista Diego Rivera y, como él, va dar sofitu al partíu comunista.[9]
Referencies
Enllaces esternos
- Wikimedia Commons acueye conteníu multimedia sobre Frida Kahlo .